影片
更多
2023-12-11
1169 浏览
钟意睇波关系，当然对南美国家有一定嘅认识，不过，讲到食，对南美菜系真喺比较熟嘅就只有墨西哥菜，本身亦都几钟意食，因为真喺几有特色，今晚就同老表嚟到隐身晌西营盘水街嘅「Verde Mar」聚一聚，佢就话喺第一次食墨西哥菜，感觉几特别。入到嚟唔见有传统嘅墨西哥阔边帽，但睇到由铺面到里面都有唔少手工彩绘，店员讲都喺餐厅自己嘅团队亲手一笔一笔咁画出嚟，颇有心思。而天花挂有好多特别装饰，仲有只树懒添，窗边又有好多小盆栽。侧面仲有个户外花园仔，种满可食用嘅仙人掌同香草，将新鲜农作物带到餐枱之上，实在有意义。又适逢就快圣诞，所以，加添咗好多灯饰，蛮有节日气氛。打开餐牌见到好多唔同嘅墨西哥美食，门面一角已写上牛油果一词，所以，晌餐牌中有一版以牛油果为主角，特别列出多款牛油果美食，而牛油果一向被誉为超级食物，都当然要试番一两款。此外，美食仲包括有、特色前菜、海鲜前菜、各类主菜、墨西哥卷饼、配菜及甜品。而饮品方面亦都多选择，例如鸡尾酒、红白餐酒、烈酒啤酒、特饮、咖啡、果汁、梳打……等等。Avocado Smoothie $78先试番杯牛油果沙冰，咪睇去色泽淡绿，皆因加咗少少牛奶去打，入口口感却喺绵密柔滑，
入到嚟唔见有传统嘅墨西哥阔边帽，但睇到由铺面到里面都有唔少手工彩绘，店员讲都喺餐厅自己嘅团队亲手一笔一笔咁画出嚟，颇有心思。而天花挂有好多特别装饰，仲有只树懒添，窗边又有好多小盆栽。
侧面仲有个户外花园仔，种满可食用嘅仙人掌同香草，将新鲜农作物带到餐枱之上，实在有意义。又适逢就快圣诞，所以，加添咗好多灯饰，蛮有节日气氛。
打开餐牌见到好多唔同嘅墨西哥美食，门面一角已写上牛油果一词，所以，晌餐牌中有一版以牛油果为主角，特别列出多款牛油果美食，而牛油果一向被誉为超级食物，都当然要试番一两款。
此外，美食仲包括有、特色前菜、海鲜前菜、各类主菜、墨西哥卷饼、配菜及甜品。
而饮品方面亦都多选择，例如鸡尾酒、红白餐酒、烈酒啤酒、特饮、咖啡、果汁、梳打……等等。
Avocado Smoothie $78先试番杯牛油果沙冰，咪睇去色泽淡绿，皆因加咗少少牛奶去打，入口口感却喺绵密柔滑，唔会太过有冰感，凉凉哋，啱啱好，富牛油果𠮶种微甜味，好有真材实料感，最紧要喺够晒健康嘛。
Horchata $38表哥就拣咗呢一杯墨西哥传统嘢饮，初时我睇餐牌觉得有啲怪，但表哥话饮落其实几唔错㖞，入口确有少少米香咁，再有阵阵玉桂香味，加上喺冻饮，所以，非常之易入口，唔会太古怪风味独特。
Avocado Fries $79既然餐厅喺牛油果专门店，咁当然再点一款牛油果美食啦，我哋就睇啱呢个炸牛油果条，因为真喺未试过咁食法。外层嘅炸浆好薄，非常之脆口，又唔油腻，个牛油果本身熟成啱啱好，入口软滑，所以真真正正嘅外脆内软，沾上带有微微辣嘅青柠汁，更有种清爽去腻嘅感觉，食得过瘾。
Chimichanga $99虽然小弟食墨西哥菜都唔算话好有经验，但都数数下手指都食过十间八间，墨西哥夹饼（Taco）、卷饼（Burritos）、薄饼（Quesadillas）都食过唔少次，不过，呢一款「炸卷饼」就第一次食，其实佢似系将墨西哥卷饼再炸一炸，所以，我称佢为「炸卷饼」，食落非常之香口，最正喺一客两件可以拣唔同口味，我哋拣咗鸡肉同手撕猪肉，而里面仲卷有好多配料，入口口感非常丰富，味道亦有层次，加上外皮炸过，更香口好食。
Chimichanga
$99
20 浏览
0 赞好
0 留言
Slow Cooked Beef Cheek Barbacoa $189嚟之前都上网睇过下啲食评，好多人都推介呢一个慢煮牛面肉，亦喺餐厅推介菜式之一，所以，我哋都想一试，此外，仲附有三件墨西哥玉米薄饼。见牛面肉真噄几大件吓，咬落质感真喺超松化，软腍到完全唔使咬，而且好有肉香，沾少少辣酱，更能够提升肉嘅香味；此外，我哋又试吓以薄饼夹嚟食，口感亦都唔错。至于个汤都唔好嘥，味道浓而不浊，再加埋 附送嘅三种配料： 洋葱粒、芫荽碎、青柠汁，加晒落啲汤度，味道变得更清爽。
店名「Verde Mar」原来喺西班牙文绿色嘅海洋之意，临走回头一看，舖面右上角就写住「绿海」，原来如此。虽然位置有少少偏，但亦见到有唔少区外客专登走过嚟帮衬，一来墨西哥菜有其独特性，二来啲食物确喺有质素，小店正晌呢片宁静小社区默默耕耘。
张贴
