影片
更多
2019-07-10
72 浏览
约咗友人去雅兰中心揾食，无嚟一排，原来商场入面进驻 了不少新食肆。友人提议试下这间新开嘅「点心廊」，据说店舖是由喜来登酒店前大厨陈小麒师傅主理，以供应新派及怀旧点心为主。餐厅位于商场 2 楼 201 号舖，店内地方颇大，环境清幽舒服，墙身上挂满水墨画，带有艺廊气息，配上一室浅木色装潢，营造出雅致氛围。入座后，先开茶。平日上茶楼多数会叫铁观音，今次就试下桂花乌龙茶 (茗茶每位$10)，茶底清澈，入口散发著迷人花香。这里嘅点心，选择都几多元化，既有新派创意点心、亦有经典怀旧点心，真系令人花多眼乱。和朋友商量后，最后拣咗个创作六式拼盘 ($198)，另外再加咗客黑蒜蒸凤爪排骨。拼盘一共有六款点心，当中包括有金箔墨汁蟹粉鲜虾饺、海胆凤眼饺、黄金啤梨咸水角、原只鲍鱼鸡粒酥、一口燕窝蛋挞和黑白芝麻流心煎堆仔。虾饺同凤眼饺以一个抢眼嘅粉红色点心笼盛上，听店员讲，个蒸笼内外都用咗红菜头汁喷染，所以就算啲点心放喺入面都唔怕沾染到人工色素。虾饺饺皮加入了墨鱼汁搓制，加上入面的蟹粉和虾肉，入口弹牙有鲜味，配以面头嘅金箔，卖相矜贵。凤眼饺造型很精致，饺皮厚薄适中，虾肉爽口弹牙，加埋顶头软滑 Creamy 嘅海
约咗友人去雅兰中心揾食，无嚟一排，原来商场入面进驻 了不少新食肆。友人提议试下这间新开嘅「点心廊」，据说店舖是由喜来登酒店前大厨陈小麒师傅主理，以供应新派及怀旧点心为主。
餐厅位于商场 2 楼 201 号舖，店内地方颇大，环境清幽舒服，墙身上挂满水墨画，带有艺廊气息，配上一室浅木色装潢，营造出雅致氛围。
入座后，先开茶。平日上茶楼多数会叫铁观音，今次就试下桂花乌龙茶 (茗茶每位$10)，茶底清澈，入口散发著迷人花香。
这里嘅点心，选择都几多元化，既有新派创意点心、亦有经典怀旧点心，真系令人花多眼乱。
和朋友商量后，最后拣咗个创作六式拼盘 ($198)，另外再加咗客黑蒜蒸凤爪排骨。拼盘一共有六款点心，当中包括有金箔墨汁蟹粉鲜虾饺、海胆凤眼饺、黄金啤梨咸水角、原只鲍鱼鸡粒酥、一口燕窝蛋挞和黑白芝麻流心煎堆仔。
虾饺同凤眼饺以一个抢眼嘅粉红色点心笼盛上，听店员讲，个蒸笼内外都用咗红菜头汁喷染，所以就算啲点心放喺入面都唔怕沾染到人工色素。虾饺饺皮加入了墨鱼汁搓制，加上入面的蟹粉和虾肉，入口弹牙有鲜味，配以面头嘅金箔，卖相矜贵。凤眼饺造型很精致，饺皮厚薄适中，虾肉爽口弹牙，加埋顶头软滑 Creamy 嘅海胆，令口感层次更丰富。
鸡粒酥以原只鲍鱼入馔，鲍鱼先焖至入味再放入牛油酥皮内，批底酥香细腻，几乎入口即化，配鲍鱼吃，味道夹配。
一口燕窝蛋挞，挞皮很酥脆，上面嘅燕窝堆到成座山咁高，不但分量十足，而且味道清新，能中和蛋挞嘅油腻感。
黑白芝麻流心煎堆仔，小煎堆外层铺满黑白芝麻，加上入面嘅流心芝麻馅，热辣好吃。
黄金啤梨咸水角，咸水角弄成啤梨形状，造型十分别致，内里有猪肉碎、虾米、冬菇、沙葛等，馅料分量合宜，食落完全无油腻感。
至于黑蒜蒸凤爪排骨 ($48) 用料亦绝不欺场，排骨新鲜，咬下啖啖肉，肥瘦适中，加上以黑蒜同蒸，味道甜甜酸酸，别有一番风味。至于凤爪食味亦不俗，大大只，蒸得腍身入味。今次食嘅几款点心，味道真系唔错，有卖相又有水准，令人吃得很满意。
张贴
