嚐囍煲仔小菜

营业中

休息中

今日专登约埋妈咪一齐去饮茶，坚尼地城附近真系好少酒楼可以选择，平时见到尝囍呢间餐厅好多人排队咁我哋就决定试吓，我哋大约1点半到咗门口，前边应该有两组人等紧。大约等咗半粒钟，职员问我哋搭唔搭枱，佢话一只好大嘅枱，咁我哋既然三个人都可以嘅，入到最入边，原来张枱坐得好迫，咁我哋唔想搭枱。见到有一张枱啱啱执好枱，咁我哋同职员讲我哋想转枱，佢就话呢张枱要坐五个人我哋得三个人唔可以坐，态度恶劣而且好大声。但系当时外面都没有人等位，老公终于忍唔住大声话返个职员。最后我哋都系照坐。佢都唔敢再出声。我哋叫咗7个点心加一个煲仔饭。鲜虾肠粉非常软滑，好易入口金钱肚够晒入味水晶虾饺皮薄馅靓陈皮凤爪有陈皮香味，唔错流沙千层糕中间有淡淡奶黄香味，而且食落好松软流沙包略为普通，中间奶黄不够流沙。腊味油鸭煲仔饭真系好香，仲有饭焦好味。令人好开胃。