影片
更多
2016-06-19
2459 浏览
好耐已经无咗放假饮早茶呢个习惯，因为放假总会不由自主训到「黄朝百晏」连早餐都可以省却埋。但岩岩嘅星期日，阿妈就想我陪佢饮个早茶，我当然要神咁早去附近揾个地方，齐齐饮杯茶、食个包啦！最后就齐齐去咗博兿会饮茶，大约等咗5分钟已经有位。星期日早上10点，食客唔算太多，多数一家人饮茶为主。内里装潢简约舒适，而且枱与枱之间空间亦好寛阔。点心纸上有好多唔同类型嘅点心选择，有蒸品、肠粉、粥品、前菜、炸物等等非常全面。茶水就选择了普洱茶，有好浓普洱茶香，早上饮一杯岩岩好。虫草花香捞螺肉螺肉微辣且爽口，而份量都算好多，系一个唔错嘅醒胃头盘。生煎墨鱼饼表面金黄煎得刚刚好，食落去相当香口，重点唔会好油。彩蔬蒸牛肉球牛肉球一笼三大粒，当中大厨亦花心思加入不少蔬菜，令软淋适中嘅牛肉球更加清新，加埋牛肉球嘅绝配喼汁一齐食呢个化学作用真系无法抵挡。有机茄汤鲜竹卷平时大多只会食到炸鲜竹卷、浓汤浸鲜竹卷等，但食咗呢个有机茄汤鲜竹卷之后我已经返唔到转头，因为佢真系好夹、好好味。材料丰富不在话，重点系佢个有机茄汤相当清甜，令鲜竹卷内里嘅虾滑、素菜有提鲜嘅作用，真系可以再encore！叉烧包包身松软拎上手时仲热辣辣，而内里大
但岩岩嘅星期日，阿妈就想我陪佢饮个早茶，我当然要神咁早去附近揾个地方，齐齐饮杯茶、食个包啦！
最后就齐齐去咗博兿会饮茶，大约等咗5分钟已经有位。
星期日早上10点，食客唔算太多，多数一家人饮茶为主。
内里装潢简约舒适，而且枱与枱之间空间亦好寛阔。
点心纸上有好多唔同类型嘅点心选择，有蒸品、肠粉、粥品、前菜、炸物等等非常全面。
茶水就选择了普洱茶，有好浓普洱茶香，早上饮一杯岩岩好。
虫草花香捞螺肉螺肉微辣且爽口，而份量都算好多，系一个唔错嘅醒胃头盘。
生煎墨鱼饼表面金黄煎得刚刚好，食落去相当香口，重点唔会好油。
彩蔬蒸牛肉球牛肉球一笼三大粒，当中大厨亦花心思加入不少蔬菜，令软淋适中嘅牛肉球更加清新，加埋牛肉球嘅绝配喼汁一齐食呢个化学作用真系无法抵挡。
有机茄汤鲜竹卷平时大多只会食到炸鲜竹卷、浓汤浸鲜竹卷等，但食咗呢个有机茄汤鲜竹卷之后我已经返唔到转头，因为佢真系好夹、好好味。材料丰富不在话，重点系佢个有机茄汤相当清甜，令鲜竹卷内里嘅虾滑、素菜有提鲜嘅作用，真系可以再encore！
叉烧包包身松软拎上手时仲热辣辣，而内里大大粒嘅叉烧味道亦相当浓郁，令食起上嚟口感更加丰富，唔错。
香麻海蜇冰冻嘅海蜇，再加少量麻油、香麻真系令到你食唔停口。
整体环境、食物都非常之唔错，而出菜都好快，之后可以再encore！而十一点后会愈来愈多人，如果果段时间饮茶建议可以之前订定枱。
张贴
