點心到 (廟街)

营业中

休息中

去完旅行返嚟，唔知点解响外国，特别挂住香港嘅点心。完成咗0+3嘅黄码生活后，即刻就走咗去饮茶，好好品尝一下香港美食。晶莹鲜虾饺 $16原只虾烧卖 $15每次嚟到都一定食虾饺同烧卖，每笼两件，唔多又唔少，份量啱啱好。尤其我最钟意食烧卖，虾肉爽口好Juicy。红油抄手 $25红油抄手入面嘅猪肉馅料丰富，扎实多汁，滑嫩鲜美，味道包含酸、甜、香同辣，麻辣鲜香充满住口腔内，食起嚟风味绝佳。怀旧腊味糯米包 $28大大件嘅糯米包，每口都品尝到腊味嘅油香，而且特别饱肚。金沙脆皮银萝肠 $28我个人特别钟意食呢个金沙脆皮银萝肠，肠粉皮包住金黄色脆皮，入面仲有满满嘅萝卜丝，口感独特，味道爽脆鲜甜。笼仔凤爪排骨饭 $35最后食埋个笼仔凤爪排骨饭，的确好大笼，表面铺满肥瘦适中嘅排骨同凤爪，底下用上荷叶去蒸，饭入面完全渗透肉香同荷叶嘅清香味。茶芥 $3/位值得一提，此店茶芥每位都只需要$3，同埋无加一服务费。