影片
更多
2022-05-06
916 浏览
疫情咁耐冇饮过茶，放工喺旺角行街见到有间几新嘅点心店，见佢入面几新净，啲位又阔落，就走入去试下。点知原来夜晚系冇点心😂 不过睇落餐牌又好似好多唔同款式嘅港式小菜，又有我最钟意嘅流心包，就即管畀个机会佢啦。因为个餐牌实在太多选择🤣要叫店员过嚟推介下，佢哋都好有礼貌咁介绍咗几款独家同推荐嘅小菜。最后我哋拣咗独家嘅飞天通菜煲、都系独家嘅黑松露炒虾球、仲有我至爱嘅椒盐白饭鱼。😋独家飞天通菜煲 💰76蚊好耐都未食过咁爽口嘅通菜，而且一打开个盖重做到香味扑鼻。火候控制啱啱好，啲菜唔会好似其他地方咁煮到一pat嘢！最紧要系咁大煲都系76蚊！😋独家黑松露炒虾球💰98蚊 一嚟到就畀佢吓亲，唔使一百蚊有咁嘅size😀而且啲虾球真系有黑松露嘅味，证明够晒捉料，而且啲呀仲好大只同埋数量够多🦐🦐🦐😋椒盐白饭鱼💰75蚊食港式小菜点可以少得椒盐菜式～ 大大条白饭鱼，热辣辣脆卜卜。唔系好多铺头重有白饭鱼🥲如果你嚟到一定要试，我个人推介！😋黑金流沙包💰10蚊/个虽然食到好饱，但本身系想食点心，点都要叫返个黑心流沙包做甜品。呢度最好就可以一个个咁嗌，唔使惊太多食唔晒，同朋友一人一个。即叫即蒸，上到枱面热辣辣。自己唔小心笃
疫情咁耐冇饮过茶，放工喺旺角行街见到有间几新嘅点心店，见佢入面几新净，啲位又阔落，就走入去试下。点知原来夜晚系冇点心😂
不过睇落餐牌又好似好多唔同款式嘅港式小菜，又有我最钟意嘅流心包，就即管畀个机会佢啦。因为个餐牌实在太多选择🤣要叫店员过嚟推介下，佢哋都好有礼貌咁介绍咗几款独家同推荐嘅小菜。最后我哋拣咗独家嘅飞天通菜煲、都系独家嘅黑松露炒虾球、仲有我至爱嘅椒盐白饭鱼。
飞天通菜煲
$76
26 浏览
0 赞好
0 留言
好耐都未食过咁爽口嘅通菜，而且一打开个盖重做到香味扑鼻。火候控制啱啱好，啲菜唔会好似其他地方咁煮到一pat嘢！最紧要系咁大煲都系76蚊！
黑松露炒虾球
$98
20 浏览
0 赞好
0 留言
一嚟到就畀佢吓亲，唔使一百蚊有咁嘅size😀而且啲虾球真系有黑松露嘅味，证明够晒捉料，而且啲呀仲好大只同埋数量够多🦐🦐🦐
椒盐白饭鱼
$75
11 浏览
1 赞好
0 留言
食港式小菜点可以少得椒盐菜式～ 大大条白饭鱼，热辣辣脆卜卜。唔系好多铺头重有白饭鱼🥲如果你嚟到一定要试，我个人推介！
黑金流沙包
$10
22 浏览
0 赞好
0 留言
虽然食到好饱，但本身系想食点心，点都要叫返个黑心流沙包做甜品。呢度最好就可以一个个咁嗌，唔使惊太多食唔晒，同朋友一人一个。即叫即蒸，上到枱面热辣辣。自己唔小心笃到，啲蛋黄就流晒出嚟，证明真系做到流心😂口感非常之好。
呢餐晚餐除咗好味🌟真系性价比好高。下次要系四点半之前再过嚟食点心，又或者可以去佢哋嘅佐敦店就有全日点心。
值得一提，佢哋系百分百香港制造～喺今日咁嘅环境😀真系值得支持！点心到 MIX·大排档
🔺 https://s.openrice.com/QrbS0SQmA00~uO7p6Aw
🔺 旺角洗衣街39-55号金鸡广场地下1A,1B,1C号舖
🔺 电话: 5968 4809
张贴
