潮州邨 (已結業)

十月三日, 谂唔到想试咩新嘢既星期五, 又嚟噃《潮州邨》,因为都几挂住佢个炸蚝饼同、芋蓉香苏鸭同卤水鹅!今次多咗一个同事一齐嚟食饭, 即系六个人, 可以叫个六人餐㖞~即系一个卤水鹅加自选五个小菜 ($288)。卤水鹅上次影过唔再影啦, 例排一样好味道!至于个蚝饼, 今次个个都衬热食, 正! 同埋呢次好似比起上次多更多蚝仔㖞~芋蓉香苏鸭, 依然好味, 但旁边啲炸叶好似少咗...走地鸡, 哗! 份量好少㖞~ 仲要好似冇乜用咁既! 味道 OK, 但唔特别。椒盐骨排, 又系个份量好似比较少, 虽然味道都唔错, 但以「椒盐」嚟讲炸得唔够干身。杂菌浸时菜, 都系觉得份量太少, 味道不过不失。另加一个男店员推介既炒鱼面, 好似食紧一条条既鱼片鱼旦咁, 味道都几好, 但都系唔系好特出, 如果钟意食鱼片既人应该好钟意食呢个炒面。更详细资料及图片请看 : http://hk.myblog.yahoo.com/joycewai616/article?mid=11240