凪豚骨拉麵 (已搬遷) 新店位置

喺东京食过几次凪煮干拉面，佢嚟咗香港开分店，几年前食过一次，最近又食过一次。香港分店叫凪豚骨拉面，连名字同日本都唔完全一样😅。喺大坑店叫咗豚骨拉面，再加只糖心蛋。可以选择咸度、浓厚度、蒜泥多少，我全部都拣咗最高级别😁，面就选择咗超硬。好快面就嚟到，饮一啖汤，确系浓厚，几好味。面身够硬，非常合我胃口。叉烧都几好食，不过有些少硬。总体来讲都系一碗有质素嘅拉面，但又未至于食到舔舔脷，亦唔会饮晒啲汤。凪喺日本其实最出名系佢哋嘅煮干汤底拉面niboshi ramen, 系用多种大细不同种类不同嘅鱼干煮成汤底，超级鲜味。佢哋碗面里边仲会有类似云吞皮，真系非常惹味。喺日本我会连汤都饮晒。唔知点解香港分店唔做🤔除咗大坑凪嘅照片，亦附上东京ラーメン凪嘅照片，以供参考。