影片
更多
2023-02-14
5163 浏览
情人节去边度庆祝， 食西餐人多兼贵价， 食中餐又好似唔系好应节，见到六国酒店中餐厅推出暗然销魂餐，又好似 几应景㖞 ，于是就决定过一个暗然销魂嘅情人节。🤗😘😊 个几星期前就订好位 ，情人节就同honey拍拖嚟销魂，🤤🤪 黯然销魂餐＄ 388一位加一服务费， 有沙律 ，梅菜蒸班腩 ，螺头松茸炖雪雁， 亮点当然系黯然销魂叉烧饭 ，个卖相又真系几特别， 有两嚿光鲜亮丽， 肥瘦参半， 油光甜蜜嘅厚叉烧 ，一只鲜橙色嘅荷包蛋， 两条翠绿嘅菜心 ，加上 猪油豉油捞饭， 真系好重份量。 见到都销魂 ，😇食唔晒𠮶阵时就有少少黯然 销魂餐整体都唔错 ，一开始就有碟酸青瓜， 爽脆好味兼开胃。 跟住就上沙律 ，新鲜沙律菜加鱼籽捞意大利黑醋， 健康清新嘅头盘。 第二个系梅菜蒸班块， 用个笼仔上， 份量好少， 不过好好食。 第三个系螺头松茸雪雁炖汤， 清润好味 ，螺头同松茸都好好食， 瘦肉同鸭肉就柴啲。😬 跟住主菜上场， 一大碗黯然销魂叉烧饭闪亮登场， 仲有一张卡纸教你点食 ，好有仪式感。🤣🤣 叉烧香蜜松软， 肥瘦兼备， 分量超大， 橙色荷包蛋鲜艳夺目， 蛋浆沟埋啲饭 ，一流配搭， 米饭煮得偏硬， 唔系好够热
33 浏览
0 赞好
0 留言
🤗😘😊 个几星期前就订好位 ，情人节就同honey拍拖嚟销魂，🤤🤪 黯然销魂餐＄ 388一位加一服务费， 有沙律 ，梅菜蒸班腩 ，螺头松茸炖雪雁， 亮点当然系黯然销魂叉烧饭 ，个卖相又真系几特别， 有两嚿光鲜亮丽， 肥瘦参半， 油光甜蜜嘅厚叉烧 ，一只鲜橙色嘅荷包蛋， 两条翠绿嘅菜心 ，加上 猪油豉油捞饭， 真系好重份量。 见到都销魂 ，😇食唔晒𠮶阵时就有少少黯然 销魂餐整体都唔错 ，一开始就有碟酸青瓜， 爽脆好味兼开胃。
跟住就上沙律 ，新鲜沙律菜加鱼籽捞意大利黑醋， 健康清新嘅头盘。
第二个系梅菜蒸班块， 用个笼仔上， 份量好少， 不过好好食。
第三个系螺头松茸雪雁炖汤， 清润好味 ，螺头同松茸都好好食， 瘦肉同鸭肉就柴啲。😬
跟住主菜上场， 一大碗黯然销魂叉烧饭闪亮登场， 仲有一张卡纸教你点食 ，好有仪式感。
🤣🤣 叉烧香蜜松软， 肥瘦兼备， 分量超大， 橙色荷包蛋鲜艳夺目， 蛋浆沟埋啲饭 ，一流配搭， 米饭煮得偏硬， 唔系好够热 ，但系捞咗猪油蛋浆豉油就好香好好食， 仲有两条好靓好嫩嘅菜心，大碗饭好重份量 ，食唔晒 ，🤫销魂完就有少少黯然 ，浪费食物添。😶🌫️
甜品就有D无厘头， 类似桂花糕同埋有个火腿酥 ，个样就做得好靓，但系就唔好食。 食完晒个餐好想饮啖热茶， 叫侍应帮我哋倒咗啲旧茶冲啲滚水， 但系壶茶返到嚟都系暖暖地，佢冇倒到啲冻嘅茶照加水，咁少嘅要求都做唔到， 真系破坏咗今餐嘅完美性。 本来想评高分，但系侍应嘅马虎令感觉大打折扣， 希望可以改善。💪💪
张贴
