日日香鵝肉飯店 (黃埔新邨) (已結業)

前几日过去黄埔新村做嘢，见到有间潮州卤味餐厅就同友人入去试一试。餐厅装修充满中国风Crossover 冰室风格，望落去都干净企理。午餐时段稍见人龙，稍等3分钟就可以啦。啱啱坐低，D姐姐会递上一细杯滚水,，细问之下原来系用嚟洗碗筷用嘅。服务都几贴心。有茶楼嘅服务但冇+1服务收费，爽啊。我同朋友嗌咗一个金牌卤水鹅片饭同埋一碗卤水猪腩肉米线。大家缤纷share。鹅肉鲜嫩，食落去啖啖香油填满口腔，再加埋一羹热辣辣嘅卤水汁饭，人间极品腩肉加上酸菜喺一个绝配，肥而不腻，送饭食米线一流。我哋加咗$38要咗一个原盅炖汤。里面有乌鸡、虫草花、龙眼等等，足料炖制，滋阴润喉。呢度都送埋一碗例汤，不得了，一样咁足料，如果可以添饮，我饮多两三碗先走。