景福宮韓國餐廳 (已結業)

景福宫，一间o系观塘好耐既韩烧，以前都觉得几好食，不过而家已经差左。龟背既炉一炉两食，设计差。首先，烧野既位太细，好难烧；其次，火锅o系侧边，根本好难渌熟o的野；再者，烧完既油直接留落火锅果度，搞到成个汤底都系油。先食前菜，白菜仔同芽菜已经冇以前咁香，但泡菜好味，够入味！熟食方面，猪脚姜够入味，好味，人参鸡汤亦足料，出色。但韩烧方面，质素就较差，肉类味道比较淡，腌得唔够入味，比起其他任食韩烧差。不过牛脷就好好食，一定要试！甜品试左朱古力mousses，朱古力味浓，好味！饮品就要五花茶，清清地，唔会太甜，几好㖞。以前都觉得几好食，不过希望改善炉既设计同肉类既质素啦。服务几好，有主动加茶同汤，同环境都算好，油烟亦唔会太大。