Bonheur

营业中

休息中

我大约系五年前已经听过呢间餐厅当时系一个外国老板同我讲，咁我就想OpenRice睇佢个餐牌𠮶阵心谂好贵都系唔好试住。到而家大个咗有多少少钱食饭上次同屋企人食饭就拣咗呢间餐厅，我父母都好钟意。餐厅唔系𠮶种好扮嘢全部野都用英文你睇唔明跟住所有人都好迷失唔知叫咩好嘅餐厅，佢一间好down to earth同埋好务实嘅餐厅。食物质素不容置疑，系非常好。仲要免开瓶费系咩玩法！喺性价比来讲呢间西餐厅真系算好高。佢嘅午餐当然就系一个好抵食嘅选择因为佢嘅午餐餐牌选择同主餐牌会overlap。无论系肉食或者海鲜又抑或系意大利粉，你会见到佢卖相同埋味道都真系有落心思，甜品亦都有好多选择。我会个人来讲推荐佢嘅黑毛猪同埋佢嘅青口，龙虾意粉都好正。环境嚟讲佢大约有30零40个位，私隐度唔算特别高因为佢系一个细细地嘅商业大厦入面。值得一提嘅佢系一间社会企业餐厅，佢嘅侍应全部都好有礼貌同埋用心去介绍食物，值得一试。