首爾家韓國料理

营业中

休息中

订咗呢间餐厅帮朋友庆祝生日，地点方便喺铜锣湾，价钱好似合理，睇食评都唔错，所以就嚟试吓。咁我哋三个大人一个小朋友，就叫咗一个二人餐加多鸡翼拼盘，再加一啲饮品，加埋小食就啱啱好。食落觉得几好，加上店员会帮顾客烧肉同埋处理好烧盘上面嘅食物，所以本来都OK。咁我哋带咗一个蛋糕啦店员就帮我哋雪起佢，都食完饭嘅时候佢帮我哋拎出嚟，基本上蜡烛佢又冇帮我哋点，切又冇帮我哋切，只不过拎咗个蛋糕出嚟，仲揼咗我哋随蛋糕附送嘅靓靓雪藏袋。仲好求其咁帮我哋影咗一两张合埋眼嘅合照。最惊人嘅系埋单竟然收我哋$100切蛋糕费， 我哋比蛋糕佢𠮶时佢完全冇讲，我哋个小蛋糕先系$300，你以为自己系半岛酒店咩收人$100，𠮶个切饼费仲要冇服务，自己点蜡烛自己切。当时因为朋友生日所以冇出声但系返到嚟谂谂吓真系唔系好对路，希望大家唔好俾佢呃啦，返屋企慢慢食好过。