影片
更多
2023-07-12
9661 浏览
今年生日，男朋友带咗我嚟食天龙轩～为咗呢一个窗口位，我哋三个月前已经book定，可惜天气麻麻哋，俾啲雾遮住咗啲，但入黑之后景观都算清晰，叹住靓景食嘢特别开心😆首先会先上咗一个前菜，今次系鱼汤啫喱配日本鱿鱼包住冬瓜，首先个鱼汤啫喱一试已经非常惊艳，好浓嘅鱼鲜味，但系亦都唔腥，不过本身唔钟意食鱼嘅就应该未必接受😛鱿鱼一咬落去好爽口，配埋冬瓜嘅清甜，系一个非常清新同开胃嘅前菜🤤之后我哋就叫咗蜜烧西班牙黑豚肉叉烧(半份)($216)，半份有四件，佢采用咗肥瘦比较均匀嘅部份，令到成个口感好平均，而佢嘅酱汁都非常好食，整体嚟讲系好松化好食😋不过我同男朋友一致认为之前食过唐阁嘅叉烧略胜一筹🤣另外，我哋都叫咗脆皮炸子鸡(半只)($368)，我都系第一次食去骨嘅炸子鸡，佢个皮好薄好脆，但系一啲都唔油，而肉质方面都相当嫩滑嘅，即使唔洗点淮盐都好够味，不过佢唔算好大只，但都好满足🤭之后想叫多个肉，就叫咗个特别啲嘅巨峰提子煎牛柳 ($368)，不过呢个的确令我哋有啲失望🥲首先个卖相本身唔算特别靓，提子去皮系好香甜嘅，但系牛柳略欠牛味，有两件亦都有少少韧，呢个比较失色一啲～蔬菜方面叫咗一个松露翡翠竹笙卷 ($2
首先会先上咗一个前菜，今次系鱼汤啫喱配日本鱿鱼包住冬瓜，首先个鱼汤啫喱一试已经非常惊艳，好浓嘅鱼鲜味，但系亦都唔腥，不过本身唔钟意食鱼嘅就应该未必接受😛鱿鱼一咬落去好爽口，配埋冬瓜嘅清甜，系一个非常清新同开胃嘅前菜🤤
166 浏览
2 赞好
0 留言
之后我哋就叫咗蜜烧西班牙黑豚肉叉烧(半份)($216)，半份有四件，佢采用咗肥瘦比较均匀嘅部份，令到成个口感好平均，而佢嘅酱汁都非常好食，整体嚟讲系好松化好食😋不过我同男朋友一致认为之前食过唐阁嘅叉烧略胜一筹🤣
蜜烧西班牙黑豚肉叉烧(半份)
$216
257 浏览
0 赞好
0 留言
另外，我哋都叫咗脆皮炸子鸡(半只)($368)，我都系第一次食去骨嘅炸子鸡，佢个皮好薄好脆，但系一啲都唔油，而肉质方面都相当嫩滑嘅，即使唔洗点淮盐都好够味，不过佢唔算好大只，但都好满足🤭
脆皮炸子鸡(半只)
$368
240 浏览
0 赞好
0 留言
之后想叫多个肉，就叫咗个特别啲嘅巨峰提子煎牛柳 ($368)，不过呢个的确令我哋有啲失望🥲首先个卖相本身唔算特别靓，提子去皮系好香甜嘅，但系牛柳略欠牛味，有两件亦都有少少韧，呢个比较失色一啲～
巨峰提子煎牛柳
$368
161 浏览
0 赞好
0 留言
蔬菜方面叫咗一个松露翡翠竹笙卷 ($272)，系好爽嘅竹笙包住啲苋菜，上面仲有黑松露片，我觉得呢一个好清新，而且成个配搭都好match，几好食😆
松露翡翠竹笙卷
$272
168 浏览
0 赞好
0 留言
另外我哋都对个花胶瑶柱伊面 (半份)($159)好有兴趣，职员仲好好同我哋讲可以半份，结果一人一碗，份量啱啱好，个汁有胶质得嚟唔会过咸，好满意😌
花胶瑶柱伊面 (半份)
$159
123 浏览
0 赞好
0 留言
本身我哋都叫咗两份甜品，但因为男朋友一早同餐厅讲咗同我庆祝生日，所以一上就上咗个甜品拼盘，打卡超靓，仲要冇收到我哋甜品钱😳上面有我哋想食嘅雪燕红枣冻糕同奶黄煎窝饼，仲有紫薯糯米糍同寿包😆个奶黄煎窝饼系最好食！外皮好柔软，入面嘅奶黄爆哂出嚟，好啱我口味🤤
甜品
221 浏览
1 赞好
0 留言
嚟得酒店嘅中菜厅都expect服务态度要好，但今次简直系比满分，serve我哋嘅职员好nice，又会介绍每款食物嘅特点，仲主动帮我哋影相～讲真大部分食物质素都不错，但服务态度同环境的确为我哋用餐体验加咗唔少分😆
张贴
