cafe TOO

订咗 11/14-11/15 嘅 Staycation 包左 Cafe Too 11/14 Dinner buffet 及 11/15 breakfast buffet首先讲下个自助晚餐，差不多满座，好热閙，海鲜试左龙虾、冻虾、面包蟹，一般般啦，点心有虾饺，个皮同夏宫一样好厚，烧牛肉好嫩滑多汁，羊架肉汁丰富，烧味义烧比较干，油鸡就吾错，即烧和牛粒，入口一咬即开，好食，即灼粉面叫左喇沙汤底，个汤比较淡，甜品款式好多，令人心花怒放，椰子挞有淡淡椰子香，面包布甸，杯仔装住但好干，热情香酥饼但酥底好松化，最后食咗3球HD 雪糕，大满足！跟住就系11/15 嘅自助早餐，8点松啲到，十枱客都冇，好清静，点心马拉糕松松软软，珍珠鸡个馅好丰富，义烧包就好一般，班戟、窝夫奇怪地好硬，牛角包同玉桂酥卷就吾太松化，即灼了碗波菜粗面猪骨汤底，个汤底反而几浓吓，即炸油条比较硬身，甜酸炸云吞，热呼呼的好脆口，espresso double 浓烈非常。食左两餐，水准中上。题外话，整体餐厅员工、厨师都勤快有礼，即灼粉面档及雪糕档除外。