緣聚西日餐廳 (西裕街) (已結業)

同好朋友聚面，揀咗位於西裕街嘅《緣聚西日餐廳》食放題。食物種類多樣：壽司、刺身、天婦羅、西式扒類 、火鍋、甜品 、沙律等等……選擇豐富。先點盤刺身，各款刺身都好新鮮，味道鮮甜，正!木魚花軟殼蟹卷、芥辣八爪魚手卷、肉鬆軍艦、蟹肉軍艦、芝士三文魚卷、香芒炸蝦卷， 呢度嘅卷物亦相當唔錯。清酒煮蜆夠曬鮮甜。芝麻雞翼，香口入味。一口芝士芝士味濃。 天婦羅食落亦唔覺油膩。澳洲羊扒肉質嫩滑又唔會過羶， 香煎大蝦香氣撲鼻。當然唔少得試埋呢度嘅火鍋啦，火鍋自助區配料都有幾多選擇。除咗一般罐裝同紙包飲品，呢度仲提供清酒、梅酒同熱飲。 呢罐濃可可嘅朱古力味夠濃郁， 啱曬鍾意飲朱古力嘅朋友。食飽飽，當然要嘆埋我最愛嘅雪糕甜品啦！食足兩個鐘每人都係二百幾蚊，認真超值！