順。越南牛肉粉

营业中

休息中

今日下午茶时间去咗试呢间越南餐厅，2点开始就会比你入座食下午茶。叫下午茶餐，多选择。首先试咗个香茅猪扒汤檬$62，香茅味几浓郁，猪扒大大块都几厚肉，唔会韧，几好食！汤檬嘅份量都几多，食完都几饱肚。跟住个河内蕃茄蟹檬$72，个汤底酸酸甜甜，几开胃！蟹肉都几多，而且几鲜甜，蕃茄嘅味道好突出，唔会盖过蟹嘅鲜味。檬粉滑溜。另外加咗个小食大头虾膏通菜$36，大头虾膏够晒浓郁惹味。下午茶包餐饮，我哋拣咗青柠红茶同埋热话梅柑桔水，青柠红茶茶味浓；而话梅柑桔水就酸酸甜甜带少少咸，几特别。