影片
更多
2010-08-25
94 浏览
我一向系明星西环店嘅常客，回想起我无论系午饭、晚饭，早系2005年已经开始成日帮衬佢!我亦曾经帮衬过明星筲箕湾店、深水埗店、牛头角店、明星海鲜舫及嘉年华香港仔店!其实我成日帮衬明星集团旗下分店，都系因为佢嘅食物、环境、服务、卫生各方面质素都唔错，而且价钱化算，比我嘅印象几好!今日同朋友有事去咗北角做，所以做完之后就顺便去明星饮番个下午茶!明星北角店系我第1次嚟帮衬，我认为质素同其他分店同样唔错!味道方面，今次2个人叫咗几款点心、1碗烧腩米线、1碗切鸡河粉，味道皆唔错!食物包括1)烧腩米线:烧腩太肥，用料不太上乘!汤底味道就唔错，整体分量足!(2)切鸡河粉:切鸡用料反而好D!汤底味道同样唔错，整体同样分量足!(3)柱候金钱肚:辣辣地嘅酱汁好惹味，金钱肚蒸得够淋够入味!(4)浆爆流沙包:馅料有好香嘅蛋黄味，并且食第1啖已经流咗出嚟!包亦够松软!(5)马蹄牛肉肠:牛肉馅料加咗马蹄粒好爽口，肠粉皮就厚咗少少!(6)鸳鸯烧卖皇:原来系2粒蟹籽烧卖加2粒牛肉烧卖!蟹籽烧卖新鲜，牛肉烧卖就似牛肉球!(7)山竹牛肉球:味道唔错，几有质感!环境方面，装修唔算新净、又唔算太旧!我觉得佢嘅装修普通，只系某些
味道方面，今次2个人叫咗几款点心、1碗烧腩米线、1碗切鸡河粉，味道皆唔错!食物包括:
(1)烧腩米线:烧腩太肥，用料不太上乘!汤底味道就唔错，整体分量足!
(2)切鸡河粉:切鸡用料反而好D!汤底味道同样唔错，整体同样分量足!
(3)柱候金钱肚:辣辣地嘅酱汁好惹味，金钱肚蒸得够淋够入味!
(4)浆爆流沙包:馅料有好香嘅蛋黄味，并且食第1啖已经流咗出嚟!包亦够松软!
(5)马蹄牛肉肠:牛肉馅料加咗马蹄粒好爽口，肠粉皮就厚咗少少!
(6)鸳鸯烧卖皇:原来系2粒蟹籽烧卖加2粒牛肉烧卖!蟹籽烧卖新鲜，牛肉烧卖就似牛肉球!
(7)山竹牛肉球:味道唔错，几有质感!
环境方面，装修唔算新净、又唔算太旧!我觉得佢嘅装修普通，只系某些区域至有特别嘅灯饰作点缀!佢设有卡位，好唔好就见人见智啦!佢冇明星西环店咁先进，冇引入电脑座位分配系统(电脑票、电视屏幕显示叫号及电脑声音叫号)、自动感应水龙头、自动感应枧液机等先进设备，而电视机都不及明星西环店嘅大，不过佢比起好多酒楼算落本架啦!呢个舖都算几大，可惜有个不足之处，仲系死症，就系身处于旧楼中，柱多、横梁多兼楼底矮，少咗某种气派啰!
服务方面，服务员工作算勤快，态度亲切!如果各个服务员有多D适当嘅笑容就好啦!
卫生方面，碗碟干净，地方算整洁，洗手间地下湿咗D!
抵食方面，大部分点心、烧腩米线同埋切鸡河粉都价钱化算!
整体来讲，大部分点心价钱化算!各方面质素皆唔错，同其他分店差唔多!同样帮衬得过呀!
张贴
