盛八日式燒肉放題店 (已結業)

之前已经嚟过几次盛八，5:30入座，人唔多又够平。今日父亲节，老豆最钟意食烧肉，所以唔驶点谂就拣左盛八，今次仲豪一次试吓set B，优惠时段$298/位，任食两粒钟，可以多15样食物选择，仲送日本受赏和牛。【日本受赏和牛】- 睇啲纹就知道块牛有几咁有油脂，一烧就香味四溢，每人送一大块，size成只成年男人手掌咁大，绝不欺场~【盐烧松叶蟹身(下图下)】- 其实烧蟹肉系几好味，不过几难食，系难食到啲蟹肉，如果系蟹脚就好啦~【厚烧牛舌(下图右下)】- 之前食亲都系薄，呢度呢啲好厚好爽，老豆最爱。【特级烧汁美国西冷】 - 够juicy又大块，当然冇日本受赏和牛咁好食但都唔差，牛味十足。【18cm锁链黑豚猪】- 好特别，真系好长，肉质软腍肉味丰富，不错。【香葱杂菜和牛汤】- 不过不失，我钟意蚬汤多啲，鲜甜啲。【七轮烧活蛤】- 活蛤本身够鲜甜，烧出嚟香口。【意大利香草牛油带子】- 落咗单两次催咗两次先嚟……都几大粒，加片柠檬酸酸地，几特别。【大虾山芥和风沙律】- 叫「大虾」但只虾一啲都唔大，不过食咁多肉点都要食啲菜中和返。【芝士樱花黑豚肉卷(右)】- 每次嚟都必点，系咸咗少少，不过真系好香口惹味。