影片
更多
2020-07-10
59 浏览
呢排都仲要social distancing，所以就喺屋企附近揾嘢食算啦。今日觉得想食泰式嘅嘢，所以就食咗楼下呢一间泰式餐厅。我哋两个人叫咗三个嘢食两杯嘢饮，呢度仲有一样好抵嘅就系每日都有一蚊嘢食。我哋今日就试咗一蚊嘅泰式炸虾饼，加炭烧牛肋骨同埋菠萝海鲜焗饭，嘢饮就嗌左泰式奶茶同埋芒果特饮。虽然系1蚊，但系个炸虾饼都唔系渣咖，咬落去够晒弹牙，加埋啲酸辣酱同埋排得咁靓嘅排位，食落同望落都零舍开胃。个海鲜焗饭真系好大份呀，食到我哋两个饱到行唔郁咁滞。入边有好多海鲜：鱿鱼，虾，仲有成粒鲍鱼，真系大件夹抵食，啲菠萝仲好甜添。至于个牛肋骨，离远拎紧上嚟嘅时候，已经闻到佢𠮶浸好香嘅炭烧味，切开唔会过熟，食落口就好多肉汁，用嚟送饭真系冇得顶。至于𠮶两杯野饮，饮完个泰式奶茶真系觉得零舍有泰式风味，不过最推介始终系芒果沙冰特饮，够晒大杯而且啲芒果又好甜，饮落去仲有果渣添，系真系用原个芒果打出嚟嘅芒果沙冰啊，夏天用嚟消暑真系一流。😋😋😋
我哋两个人叫咗三个嘢食两杯嘢饮，呢度仲有一样好抵嘅就系每日都有一蚊嘢食。我哋今日就试咗一蚊嘅泰式炸虾饼，加炭烧牛肋骨同埋菠萝海鲜焗饭，嘢饮就嗌左泰式奶茶同埋芒果特饮。
虽然系1蚊，但系个炸虾饼都唔系渣咖，咬落去够晒弹牙，加埋啲酸辣酱同埋排得咁靓嘅排位，食落同望落都零舍开胃。
个海鲜焗饭真系好大份呀，食到我哋两个饱到行唔郁咁滞。入边有好多海鲜：鱿鱼，虾，仲有成粒鲍鱼，真系大件夹抵食，啲菠萝仲好甜添。
至于个牛肋骨，离远拎紧上嚟嘅时候，已经闻到佢𠮶浸好香嘅炭烧味，切开唔会过熟，食落口就好多肉汁，用嚟送饭真系冇得顶。
至于𠮶两杯野饮，饮完个泰式奶茶真系觉得零舍有泰式风味，不过最推介始终系芒果沙冰特饮，够晒大杯而且啲芒果又好甜，饮落去仲有果渣添，系真系用原个芒果打出嚟嘅芒果沙冰啊，夏天用嚟消暑真系一流。😋😋😋
张贴
