福元湯圓

营业中

休息中

福元汤圆 食完晚饭，谂住食埋个糖水就返归，咁行开北角梗系去福元街食碗汤丸先走。 福元汤圆格局系普通小店，门外你会见到有一大袋姜，相信系用黎煮姜汁糖水用既。咁呢到主打当然系汤丸啦，但都有其他糖水例如西米露，凉粉等比大家选择既。 咁我地就叫咗花生同芝麻汤圆。二十八蚊有五粒，汤丸size都几大，而汤圆既外皮搓得好均匀，唔会一边厚一边薄。芝麻馅好幼滑，而且好浓芝麻香味，调味又唔会太甜，几好食。花生馅就比较粗粒少少，有少少花生碎系入面，味道唔算好突出，芝麻会比较出色。 最后，佢个姜汁糖水姜味好够，食落唔会太辣太呛喉，糖水又唔会过甜，味道适中，唔错。