堅信號上海生煎皇 (形點 II)

营业中

休息中

下午肚饿谂住食少少野，睇网上食评话唔错，所以同friend一起去试下生煎包。个招牌生煎包系OK既，里面既肉馅份量够，都有少少汤汁，皮唔会好厚，物超所值，真系好好吃，不愧系招牌菜。炸酱面面底OK，但个炸酱真系好咸，太重口味，我个人本身都系偏淡，所以唔系好钟意呢款。上海粗炒麻麻地，好一般既食物，虽然知道炒面会好多油，但系都系顶唔住，味道一般般。酸辣汤面同炸酱面好似，面底OK既，都系个酸辣汤好咸，但酸辣味系足够既，如果口味唔系好淡应该会钟意。黄瓜同鸡翼几好味，黄瓜爽口，鸡翼入味，值得试下。而小笼包有汤汁，几好味，但生煎包会好味过佢。总体唔错，生煎包同小笼包可以一试。