影片
更多
2024-02-15
1977 浏览
早前同狗狗🐕行南丰纱厂时留意到呢间提供素食法国菜的餐厅，觉得几特别，喺情人节一试佢哋嘅winter menu😋。情人节🎀晚餐分2轮：1800-2000；2000-2200。我同狗狗爸爸系第一轮。Winter menu跟法国菜的顺序🍽️：开胃酒、开胃小食、前菜、主菜、甜品同餐饮。所有饮品、菜式各2款，每款1份，应该预咗2个客人share食，好处系可以试多啲菜式，适合我哋呢啲首次光顾的生客。先讲食物：（开胃酒）橘香梳打🍹：普通啲，系味道浓郁啲嘅橙味梳打；冬日特饮🍷：饮品里面有青柠片同蔓越莓，酸甜，几好饮、开胃（开胃小食）羊肚菌酿鹅肝冻：酱汁香，后尾先知系白松露油。素鹅肝份量少，本身冇乜味，加上酿咗喺羊肚菌里面，食果时唔觉食紧素鹅肝，但个酱汁好特别👍🏻，丰富咗食材的味道。碟上有颇多酱汁🫗，但唔肯定系咪要𢳂埋嚟食，因个汁睇落几油腻。食完睇番介绍先知啲油系白松露油，食剩啲汁好嘥呀，唔知餐厅日后会唔会考虑提供软面包🫓配搭呢？（开胃小食）烟熏三文鱼🐟牛油果他他：味道特别，入口鲜味，隔离台食完赞有烟熏三文鱼的味道，我唔肯定似唔似，但个小食几惊喜（前菜）油封鸭髀🍗：造型逼真，焗完嘅腐皮要切嚟食就比较困难；
情人节🎀晚餐分2轮：1800-2000；2000-2200。我同狗狗爸爸系第一轮。Winter menu跟法国菜的顺序🍽️：开胃酒、开胃小食、前菜、主菜、甜品同餐饮。所有饮品、菜式各2款，每款1份，应该预咗2个客人share食，好处系可以试多啲菜式，适合我哋呢啲首次光顾的生客。
先讲食物：
（开胃酒）橘香梳打🍹：普通啲，系味道浓郁啲嘅橙味梳打；冬日特饮🍷：饮品里面有青柠片同蔓越莓，酸甜，几好饮、开胃
（开胃酒）橘香梳打、冬日特饮
1522 浏览
0 赞好
0 留言
（开胃小食）羊肚菌酿鹅肝冻：酱汁香，后尾先知系白松露油。素鹅肝份量少，本身冇乜味，加上酿咗喺羊肚菌里面，食果时唔觉食紧素鹅肝，但个酱汁好特别👍🏻，丰富咗食材的味道。碟上有颇多酱汁🫗，但唔肯定系咪要𢳂埋嚟食，因个汁睇落几油腻。食完睇番介绍先知啲油系白松露油，食剩啲汁好嘥呀，唔知餐厅日后会唔会考虑提供软面包🫓配搭呢？
（开胃小食）羊肚菌酿鹅肝冻
115 浏览
1 赞好
0 留言
（开胃小食）烟熏三文鱼🐟牛油果他他：味道特别，入口鲜味，隔离台食完赞有烟熏三文鱼的味道，我唔肯定似唔似，但个小食几惊喜
（开胃小食）烟熏三文鱼牛油果他他
95 浏览
0 赞好
0 留言
（前菜）油封鸭髀🍗：造型逼真，焗完嘅腐皮要切嚟食就比较困难；点咗香橙🍊的酸甜味酱，令层层腐皮湿润啲，味道亦丰富啲。食到呢道菜的时候，不由得赞叹餐厅的酱汁真系好出色👍🏻👍🏻👍🏻
（前菜）油封鸭髀
91 浏览
1 赞好
0 留言
（前菜）勃艮弟焗田螺🐚：上菜时劲热；牛油蒜香薯蓉🥔虽然系垫底菜，但好够味、入味，好食过素田螺🐚；薯蓉放上法包一齐食好好味；遗憾系餐厅有部分菜式跟法包🥖，但每人只有一小件。隔离2台客相继提出想要多一份法包🥖，餐厅都满足佢哋嘅愿望，但我亦听到侍应预告话厨房工作䌓忙，焗唔切，所以要等；我哋唔想加重厨房负担，虽然真系想要多少少法包，但都冇提出喇😅~~
（前菜）勃艮弟焗田螺
76 浏览
0 赞好
0 留言
（主菜）宝云酥羊架🍖：造型同样逼真，劲似沙漠风味的羊架，食落有少少孜然粉般的香料味，奶白色酱汁甜甜哋，配素肉（impossible lamb chop）都好夹。伴菜的烤蕃茄仔🍅好甜、爆汁，而焗薯🥔就争啲，较硬身
（主菜）宝云酥羊架
114 浏览
0 赞好
0 留言
（主菜）宝云酥羊架
130 浏览
0 赞好
0 留言
（主菜）酥皮烤狼鲈🐠：同上一道菜隔咗15-20分钟，主因系餐厅漏单，最初我哋都痴痴地等，点知等极都冇🤷🏻，差唔多同时入座的客人经已开始食甜品，于是就问侍应，而呢个菜系一问即上~~可能食物一早焗好然后保温，所以酥皮腍咗😔、微暖，反而切开入面的素鱼柳仲热。如果酥皮脆啲应该好食好多。不过，配搭的酱汁又系一绝，浓稠带微酸蕃茄味🍅，同素鱼柳好夹
（主菜）酥皮烤狼鲈
80 浏览
0 赞好
0 留言
（甜品）蒙布朗🌰：我钟意食粟子，但呢个甜品有啲平平无奇，虽然忌廉同粟子蓉够滑，但呢点应该系basic；杯底有块好硬净的饼🍪，唔知系咪正宗做法，但块饼太硬，好难咬，亦冇乜味
（甜品）蒙布朗
47 浏览
0 赞好
0 留言
（甜品）法式杏奶冻🍮：入口有惊喜，杏仁味香，似糊状杏仁霜，只系卖相麻麻，而texture仲有少少倒胃口，半糕半糊状；食晒会觉得有少少甜，但算系好食既
（甜品）法式杏奶冻
41 浏览
0 赞好
0 留言
（餐饮）热朱古力☕：饮唔到架，好杰，可以当甜品𢳂嚟食🥄；似心太软的流心馅，黑朱古力味🍫，甘而不苦，甜度刚好，加上劲滑的忌廉，超好味
（餐饮）经典苹果热饮、热朱古力
57 浏览
0 赞好
0 留言
（餐饮）经典苹果热饮☕：好饮与否见仁见智，香料味重，肉桂、八角的味道浓烈，饮落有冬日气息，似围炉取暖会点的饮品，但未必好适合而家香港的天气😅
（餐饮）经典苹果热饮
66 浏览
0 赞好
0 留言
整体嚟讲，餐厅的食物质素无容置疑系极高⬆️⬆️⬆️，酱汁尤其出色，但有一点要提，食完几道菜，我开始脚肿，应该系食物的盐份太高。可能我平日主要食蔬果、豆腐，以前有买过impossible meat、beyond meat同onmi等素肉，但后来发现素肉的钠含量高，就冇乜再食。餐厅要煮出一啲似肉的法国菜，所以大部分肉食都系采用素肉，再加埋酱汁，我自己身体好快出反应，不过我冇觉得口渴，所以餐厅应该冇用味精。食完餐饭，狗狗爸爸话8成饱，我就「到顶」，winter menu的菜式好丰富，2个人食一定够饱。撇除食材可能高钠，餐厅的食物水准系超高，味道、层次丰富，令我好想再试其他菜式。
留番餐厅的环境同服务喺最后讲（写出嚟的原因系想餐厅进步同留意）：（1）以中价餐厅嚟讲（二人套餐连加一~$1540；$770/位），座位🪑距离太近，欠私隐度，放袋🛍️唔够位，而隔离台讲乜都听到；（2）入座后发现所坐位置灯光昏暗，原来有盏球型吊灯烧咗💡，再望下，同一范围仲有4盏有罩吊灯💡💡💡💡只有非常微弱的光线，同店内其他位置的吊灯亮度明显有别；（3）食咗几道菜，侍应冇主动换碟🍽️。每道菜的酱汁同处理手法唔同（好似2款开胃菜，先上的羊肚菌配搭creamy+油份重的酱汁，而跟住上的三文鱼他他就冇酱），变咗捞埋嚟食，当食完第3道菜，我提出想换碟，侍应有满足我的要求，但换完补充：「餐厅啲碟数量唔够，系最后2只碟，洗唔切🧽，所以之后冇得换喇~」佢系带有少少抱歉，但餐厅唔够碟用🍽️，呢点系超出我的理解同想像；（4）侍应唔清楚上菜速度同顺序，佢哋初时可能冇记低每台食到第几道菜✔️，之后好多时我哋要等好耐🕑，间唔中侍应又会逐一问：「你哋食咗XXX未？」亦因为咁，试过有侍应拎咗2碟食物出嚟，问：「边台未食？」然后，3张台6只手🖐🏻🖐🏻🖐🏻🖐🏻🖐🏻🖐🏻同时举起，虽然场面几搞笑，但坦白讲，食法国菜食到呢个氛围都几尴尬🙈；（5）时间控制有待改善，1810入座，最后食到2030，原本预约2000的客人变相要等，主因系上菜混乱，交唔到场。庆幸我哋食头围，如果尾围，应该食到夜晚11点；（6）食到尾声，隔离台的客人食饱离座，侍应重新set位🍽️，详情唔多讲，但set位流程系有少少卫生疑虑，我睇到呆咗😦，唔识反应。冇几耐有2位客人被带咗入嚟坐低，佢哋当然唔知情，但坐低前都为另一样嘢表现出少少不满：梳化椅🛋️上有张上手食客用过的纸巾。最后，我喺离开时（个客未食嘢）将set台一事讲俾餐厅另一个职员听。论服务同环境，餐厅离fine dining有啲距离，当然如果预咗菜式共享，咁可能餐厅唔系行fine dining路线，不过佢嘅价位又比较尴尬~~可能我太少出街食饭🙈，我会期望消费接近$800/位的话，服务可以到位啲。想补充一句，啲侍应态度唔错，只系人手不足，加上可能餐饮管理经验唔够，所以一full house就踢晒脚，场面混乱（我哋果轮好似有19台客，未到40位客人）。
深夜狗狗爸爸收到餐厅电话📞，了解番佢的用餐体验。佢老实讲番我哋留意到的情况，而餐厅都有交待原因，冇推搪。佢哋主动缔造双向沟通都抵赞嘅👍🏻🙂❕
写咁多嘢，部分原因系想餐厅继续用心经营落去💪🏻！可能1、2个月后，我哋带埋狗狗🐕嚟食多次啦！😁
张贴
