2DP (已結業)

成日都出街食饭，尽可能都想某啲饭局食得清淡啲健康啲。今次去到厚福街见到2DP以素食为主，而且人流都唔错，于是就入去试试。半熟芝士炖蛋 伴 意式普洱朱古力 $68普洱朱古力味雪糕，茶香虽然是清淡啲，但味道几清新，两者味道都够明显，唔会互相抢去对方味道。雪糕中有朱古力碎，幼滑雪糕加上朱古力碎，口感就比较丰富。炖蛋是半熟状态，炖蛋口感够滑溜，吃落去感受到蛋香同芝士香味。而且炖蛋质地都够挺身，唔会因为加入左芝士而变淋。起初以为芝士会好腻，但原来配上蛋之后，感觉又几特别，唔会太腻。炖蛋旁边仲有一条条多士条，可以沾上半熟炖蛋食，可以腻感再减半。墨西哥香辣素菜意粉 $64看似好似几辣，成碟都系红哂咁。不过食落其实系超小辣，感觉几开胃的。香辣之中，觉得佢偏向辣味多于香。素菜意粉入面有唔少蔬菜，包括：秋葵、豆角、翠玉瓜、西兰花、椰菜花，每种食物都煮得够熟而爽口，当日食秋葵同翠玉瓜，爽口又够味。整体蔬菜味道唔错，调味刚好，而煮蔬菜时间厨师都拿捏得唔错。因为唔同蔬菜要熟透的时间都唔同，要每种都唔会过熟又唔影响口感，都好睇厨师功夫架。意粉煮得爽口又吸收到香辣味，口感都唔错。不过份量就少左啲，女士食就岩岩好，男