KC Cafe (已結業)

观塘真系好多好野食，不过次次都忍唔住黎kc cafe ， 因为呢度实有位 😆。而且$50左右，就有无敌海景，位置又宽敞到不得了，坐得舒舒服服，仲有大大个既line 公仔， 同我爱既紫菜饭卷。$50 有饭卷，有鸡翼，有kim chi, 有野饮 ， 真系唔明点解次次上亲黎都冇人。临走仲发现有大量韩文杂志，正 。（我唔系识韩文，只系睇杂志唔睇字啫 haha )至于食物方面，今次叫左kimchi 卷， 但原来我都系钟意原味多d, 因为已经有kimchi 伴碟。炸鸡翼望落炸得好靓，不过比较厚粉，同埋味道好淡。下次可试第二样小食。另外顺带一提呢度仲有d 西式甜品, 之前食过棉花糖多士，真系唔错。同三五知已吹水， 或者拍拖sweet sweet 真系一流。