影片
更多
2023-12-28
90 浏览
自从中学年代成日去唱K🎤，人大咗都好少去唱K，今日放假朋友又提议去唱K，回味一下中学时期嘅回忆。不过宜家一定系拣Red Mr. ，多好多歌唱。 今次安排间房都几大，仲要系game room🎲♠️♥️🃏。 适逢临近圣诞🎄✨️，Red Mr.仲推出咗节日限定套餐，$568／2位 Christmas set，有前菜、主菜、甜品、饮品。 前菜巴马火腿蜜瓜🍈：巴马火腿味道鲜美，咸香味同哈密瓜嘅清甜相辅相乘。Parma Ham绵滑，哈蜜瓜爽脆，相当合衬。 香煎鹅肝多士：加$60就可以升级鹅肝多士，鹅肝香味浓郁，食落去有入口即化幼滑嘅质感。多士吸引晒鹅肝嘅油脂香味，非常滋味。 日本海胆流心忌廉薯饼：外层炸得金黄酥脆，内里系热辣辣嘅海胆忌廉。北海道脆炸芝士薯波：外脆内嫩， 薯味浓郁。 咬开入面系软绵绵嘅薯蓉同香浓嘅芝士🧀。 主菜香草烤羊架，香草烧汁伴黑松露薯条：羊架肉质嫩滑香喷喷，表面充满各种香草味，十分惹味。黑松露薯条非常香脆，黑松露味道足够。 香草蜜糖烤美国春鸡（半只）🐔，香蒜烧汁，伴蒜香橄榄油意大利粉：春鸡表面香脆，充满蜜糖甜味，鸡肉非常入味，又保留鸡肉滑嫩，肉汁丰富。 意粉口感有劲度，蒜香味十足，
自从中学年代成日去唱K🎤，人大咗都好少去唱K，今日放假朋友又提议去唱K，回味一下中学时期嘅回忆。不过宜家一定系拣Red Mr. ，多好多歌唱。
今次安排间房都几大，仲要系game room🎲♠️♥️🃏。
适逢临近圣诞🎄✨️，Red Mr.仲推出咗节日限定套餐，$568／2位 Christmas set，有前菜、主菜、甜品、饮品。
前菜
巴马火腿蜜瓜🍈：巴马火腿味道鲜美，咸香味同哈密瓜嘅清甜相辅相乘。Parma Ham绵滑，哈蜜瓜爽脆，相当合衬。
香煎鹅肝多士：加$60就可以升级鹅肝多士，鹅肝香味浓郁，食落去有入口即化幼滑嘅质感。多士吸引晒鹅肝嘅油脂香味，非常滋味。
日本海胆流心忌廉薯饼：外层炸得金黄酥脆，内里系热辣辣嘅海胆忌廉。
北海道脆炸芝士薯波：外脆内嫩， 薯味浓郁。 咬开入面系软绵绵嘅薯蓉同香浓嘅芝士🧀。
主菜
香草烤羊架，香草烧汁伴黑松露薯条：羊架肉质嫩滑香喷喷，表面充满各种香草味，十分惹味。黑松露薯条非常香脆，黑松露味道足够。
香草蜜糖烤美国春鸡（半只）🐔，香蒜烧汁，伴蒜香橄榄油意大利粉：春鸡表面香脆，充满蜜糖甜味，鸡肉非常入味，又保留鸡肉滑嫩，肉汁丰富。
意粉口感有劲度，蒜香味十足，食落仲有啖啖橄榄油香，十分惹味。
香辣蒜蓉烤生蚝🦪：生蚝新鲜，口味香辣，蒜香味浓郁。
黑松露野菌炒饭🍚：黑松露味道浓郁，炒饭干身，粒粒分明。
甜品
日本苹果肉桂瑞士卷🍎：瑞士卷厚实又湿润绵密，内馅忌廉丰富，仲带点淡淡苹果肉桂香气。
饮品
竽泥抹茶牛乳🍵🥛：奶味重，同时都带有抹茶嘅苦涩同清新。
鸭屎香奶盖茶🧋：近年内地茶饮店好兴饮鸭屎香柠檬茶，呢度有鸭屎香奶盖茶当然要试下啦，鸭屎香柠檬茶以鸭屎香茶叶为茶底，香芳浓郁，滋味醇厚，混合奶盖茶嘅芝士同忌廉，浓厚软滑带咸香。
除咗节日套餐外， 宜家凡惠顾指定酒类套餐，即可参加一个叫「最红抢钱机」嘅游戏，头奖仲有机会得到$10,000现金奖。
张贴
