影片
更多
2017-05-28
222 浏览
想试呢间616牛肉火锅专门店好耐，佢哋系间专食牛肉嘅火锅店，提供嘅都系坊间少见嘅刁钻部位。佢系用平板电脑落单，用嘅系真iPad，非常揼本。才疏学浅，好多牛肉部位嘅名都系第一次见，好彩iPad入面有埋详细嘅介绍。我哋试咗$338嘅牛板套餐，包牛板、蔬菜篮、乌冬、汽水、牛骨清汤底同酱料费。我哋仲加咗$30转做牛杂汤底，汤呈啡色，面层仲有唔少唐芹同大葱。开著电炉等汤底煮滚，再饮一啖汤，味道浓甜而有啲花椒八角嘅香料香。用匙羹搅一搅，汤入面仲有唔少牛肠、牛肺同牛肚，单系食汤底嘅牛杂已经花咗一啲时间。然后就系我最期待嘅牛板，用咗牛形木板载住唔同刁钻部位嘅牛肉，好得意呀。啲牛肉睇落令身，都几吸引。单张上面列咗啲刁钻部位嘅名，仲写埋烚佢哋嘅建议时间，大部份放入锅度烚几秒就得，有啲耐少少嘅都只系二十秒至三分钟左右。酱料系自己去自助吧拎嘅，分别有鲜甘桔、秘制牛肉汁、潮州辣椒油、沙茶酱、豉油、陈醋、指天椒、炸蒜、蒜蓉、芫茜同葱花。我哋想简单啲，只系拎咗鲜甘桔同秘制牛肉汁，酱汁本身有蒜香，唧埋鲜甘桔汁之后就酸酸甜甜，用佢嚟蘸牛肉食可以提味同解腻。跟住逐一食牛板入面嘅牛肉，牛朴肉系牛颈上面郁动得最多嘅一块肉，油
想试呢间616牛肉火锅专门店好耐，佢哋系间专食牛肉嘅火锅店，提供嘅都系坊间少见嘅刁钻部位。
佢系用平板电脑落单，用嘅系真iPad，非常揼本。
才疏学浅，好多牛肉部位嘅名都系第一次见，好彩iPad入面有埋详细嘅介绍。
我哋试咗$338嘅牛板套餐，包牛板、蔬菜篮、乌冬、汽水、牛骨清汤底同酱料费。
牛杂汤底
27 浏览
0 赞好
0 留言
我哋仲加咗$30转做牛杂汤底，汤呈啡色，面层仲有唔少唐芹同大葱。开著电炉等汤底煮滚，再饮一啖汤，味道浓甜而有啲花椒八角嘅香料香。
牛杂汤底
57 浏览
0 赞好
0 留言
用匙羹搅一搅，汤入面仲有唔少牛肠、牛肺同牛肚，单系食汤底嘅牛杂已经花咗一啲时间。
牛板套餐
17 浏览
0 赞好
0 留言
然后就系我最期待嘅牛板，用咗牛形木板载住唔同刁钻部位嘅牛肉，好得意呀。
牛板套餐
38 浏览
0 赞好
0 留言
啲牛肉睇落令身，都几吸引。
单张上面列咗啲刁钻部位嘅名，仲写埋烚佢哋嘅建议时间，大部份放入锅度烚几秒就得，有啲耐少少嘅都只系二十秒至三分钟左右。
酱料系自己去自助吧拎嘅，分别有鲜甘桔、秘制牛肉汁、潮州辣椒油、沙茶酱、豉油、陈醋、指天椒、炸蒜、蒜蓉、芫茜同葱花。
我哋想简单啲，只系拎咗鲜甘桔同秘制牛肉汁，酱汁本身有蒜香，唧埋鲜甘桔汁之后就酸酸甜甜，用佢嚟蘸牛肉食可以提味同解腻。
跟住逐一食牛板入面嘅牛肉，牛朴肉系牛颈上面郁动得最多嘅一块肉，油脂分布平均甘香，感觉唔错。
匙肉系晌牛朴肉下面嘅肩胛肉，质感软嫩。
裹腱肉系包住牛腿肌腱嘅肉，油份比较少同松软。
胸口膀，几片白色嘅牛肉，其实系牛前胸嘅一块脂肪，只有体型比较肥大嘅牛先有，虽然睇起嚟肥腻，但分别烚十几秒同三分钟后食，都几爽脆同有韧度，口感有啲似长身版嘅珊瑚蚌，几得意。
三花腱系牛前腿肌腱肉，鲜香味浓。
牛漏酥系晌牛嘅臀部同腹部之间，几有咬口。
挽手腩，即系连接爽腩同坑腩嘅部位，每只牛只系得两至三斤，系罕有部位之一，食落有嚼劲同油香。
腿肉系牛嘅臀腿肉，切得薄身，入口嫩滑。
熟板筋，一粒粒浅啡色有少少透透哋嘅嘢，质感黏口，几有骨胶原。
食完外围嘅牛肉之后，就食牛板中间嘅部份，牛心爽口讨好、黑柏叶无经过漂白又脆身、牛骨髓软滑但比较滞、牛丸味重弹牙、熟牛腩厚切松化。
封门柳
42 浏览
0 赞好
0 留言
呢度单叫刁钻部位牛肉嘅话均一价$48一碟，我哋见都几平，就追加咗碟封门柳试试，佢系控制横隔膜嘅肌肉，每只牛只系得两块，既罕有兼系限量供应，食落牛味浓郁吸引。
套餐嘅蔬菜篮有旺菜、生菜、油麦菜、本菇等，食完肉类再食下蔬菜可以平衡一下。
乌冬
38 浏览
0 赞好
0 留言
最后煮咗乌冬，烟烟韧韧，同埋吸收咗汤底嘅牛肉精华，味道好正。
张贴
