The Stadium (已結業)

想同成班friend吹水、睇波又有得玩？喺观塘嘅就啱晒你啦！睇个名都知佢地以体育为主题，去到有好多部电视都播紧体育赛事，仲有足球机、镖机同桌球玩，甚至连露天位抖气位都有埋，目测都有成7000呎咁大！一齐睇下有咩好食啦！餐厅内单单系啤酒已经有50种，仲未计cocktail同其他酒类选择！实有种酒啱你啦，唔知有无人成功挑战晒佢咁多种酒呢？嚟到想饮酒配返份小食，可以试下，个样够晒得意趣致！用巴马火腿卷住无花果，食落既有火腿咸香，又有无花果嘅鲜甜。上面嘅酱系特制嘅蒜蓉沙律酱，味道好特别，啱晒饮酒果阵食。话明系美国菜又点可以唔食Burger呢？牛肉带有炭烧香味，牛肉味浓郁又多汁，入面仲夹住劲多配料，好似烟肉、芝士同portobello蘑菇，食落口感超级丰富！跟住个汉堡仲会有埋一份厚切薯条，啖啖薯肉够晒香口又丰富！呢个极黑毛猪煮到大约7成熟，食落鲜嫩又有浓香猪肉味。加埋香草、茄汁同芝士，真系好惹味呀！如果大家怕佢唔够熟，仲可以落单嘅时候讲明要全熟，都一样好食！手搓粉形状够晒可爱，细细条好似螺丝仔咁，扭纹形状可以轻易沾满浓香酱汁，食落啖啖都系菇同粉嘅完美结合，就算唔系素食者都会爱上！