夏麵館 (始創中心)

营业中

休息中

前排系网上以72折买左夏面馆$100现金卷, 今日放工就同家人去左夏面馆太子分店食返餐。主打上海菜, 正价都唔太贵, 宜家再有72折, 真系抵上加抵!! 【鲜肉小笼包】HK$38小笼包厚薄适中, 含丰富鲜甜汤汁, 饀料鲜味多汁。【红油抄手】HK$38个汁好够辣, 饀料有肉香, 但嫌皮过厚, 薄返D会好得多。【酸辣汤面】HK$52汤底酸辣味平均, 够杰, 拉面索左个汤汁令面质更林, 材料丰富, 整体很有层次.【上海担担面】HK$46汤底够辣, 有淡淡花生酱味, 食落唔腻, 同样拉面索汤令面质林得黎又入味。【豆沙锅饼】HK$36嫌煎得未够香口, 外层很粉, 未够脆口, 但豆沙饀料很足, 甜甜地。【猫山王榴梿高力】HK$25口感软熟, 一咬开已经散发阵阵榴梿飘香, 榴梿味甘甘地~【擂沙汤丸】HK$32黄豆粉平均包住汤丸, 咬开芝麻蓉涌出, 甜甜的, 芝麻味香浓。