朝

营业中

休息中

「朝」舖面唔算好大，但整齐干净有格调，气氛同服务都好好，食物精致，９点后入座仲有全单６折，非常非常抵食。今晚试咗好多……唐扬鱿鱼须：酥脆可口，鱿鱼唔会干巴巴，肉质弹牙，仲有海苔既味道。帆立贝刺身：好鲜甜肥美，口感细嫩。信州味噌烧蚝：蚝唔算好大只，但蚝肉饱满，味噌酱汁醇厚浓郁，相当入味。牛油烧蛏子：爽口弹牙，鲜甜味美，海鲜足够新鲜，唔需要太多既调味，都已经好好食。盐烧白鳗串：鳗鱼肥美，口感爽嫩，非常美味。朝邪恶玉子烧：同外面食开既不一样，呢度既玉子烧细致绵密，好软熟。啡菇串：好香既菇味，入口爽嫩可口。日本温室茄子仔：茄子ｂｂ样子趣致，卖相一流，口感细嫩爽口。豚肉露荀卷：豚肉肥瘦适中，经过烧烤，肥肉有点焦香爽口，肉质鲜嫩多汁，露荀清脆可口，口感层次丰富。芝士年糕：年糕外面有点焦香，内里软糯烟轫，一口咬下，有芝士溶流出黎，香浓入味。香葱牛肉卷: 牛肉嫩滑，包裹劲多葱，葱香味浓郁，葱控必定满意。富士山柚子梳打：清新爽口，解腻解渴。