叉燒丼家

营业中

休息中

系8号风球下去食个炒肠粉系我嘅错。2点半落单，20分钟后问佢仲要几耐，话3分钟。等到3点都未有，再问，话要多5分钟。问佢有咩可以即刻上，当然系佢地叫价$51嘅叉烧煎蛋饭。好啦，杯热柠茶都变咗冻柠茶嘅时候，咁佢又话免费帮我转（系我cheap,叫个$32茶餐），咁转啦。过多2分钟就嚟咗我𠮶个炒肠粉啦。呢个时候系3点5分左右。我唔知系唔系我系咁吹啦，碟炒肠粉似炆肠粉多啲。佢个肠粉好健康㗎，有一条肠粉，五件叉烧，仲有大约30条洋葱加椰菜。叉烧只系一般，但要赞啲菜几爽口同埋碟野唔系好油嘅。用咗10分钟食完啲好健康嘅肠粉之后，系俾钱嘅时候我决定将我嘅意见表达返比佢哋听。我都明白8号风球唔够人嘅，但可以话俾我知要大约几耐我再拣过啲嘢食啰。不过又咁讲，对面枱碟炸肶薯条望落好似几好味嘅（隔离饭香？），不过又好似系等左好耐先出。其实佢个价位系敏华价，但又做唔到人地嘅质素。以茶餐厅定位，但又做法国餐厅嘅送餐时间。以𠮶个价钱，新蒲岗有好多间好食过佢。