波記甜品 (已結業)

入开屯门探朋友，今日天气又好热，所以就想去食下糖水，朋友便带左去呢间波记甜品。一入门口比好多玩具吸引，店舖里面以黑白色为主题，门口右手边有一个玻璃柜，放咗好多玩具，有Lego有车，玩具迷啱晒而且仲播住80后听开嘅音乐广东歌。坐低之后叫糖水，分别叫了一个芋圆乳酪雪冰$58及抹茶窝夫🧇$65，一上枱吓亲，好大份，我同朋友对望一眼，心谂点食得晒芋圆乳酪雪冰上边嘅曲奇雪糕好正！同埋天口热食雪冰真系一流，佢嘅雪冰系乳酪味架，入口即溶，仲要啲配料超多，有芋圆同小丸子，烟烟银银超有口感抹茶窝夫分量多得惊人，绿茶雪糕唔会太甜有淡淡的绿茶味，窝夫松脆配上朱古力酱，口水都流埋，配呢个绿茶雪糕就刚刚好，中和左佢嘅甜味，旁边仲有红豆溶，完美，色香味俱全老板原来佢好好人，仲问我食得够唔够饱，我同朋友虽然系两个女仔但系都好大胃口，唔够仲有车仔面可以叫，因为舖头啱啱出咗车仔面，不过太饱啦今次食唔到，都几抵$34两𩠌，下次试吓