百匯軒 (已結業)

今日有亲戚黎屋企 夜晚冇煮饭 同亲戚食饭只会食中菜 今日唔食平时食开果间 试下百汇轩～未够7点就食饭 所以唔洗点等位 最先上既系翡翠炒球，其实系龙趸黎既，配菜有西芹、翠肉瓜同黄椒。炒得几香 呢碟系我觉得最好食既一碟𩠌。自己好钟意食炒龙趸 都算冇令我失望 另外一碟系金银蒜头腩，都系龙趸 因为系龙趸两味（$268）系加左木耳黎蒸龙趸 太淡味 呢个就一般啦 再黎既就系蒜茸粉丝蒸蛏子皇（$108/4只）我地再加多2只D圣子大大只 啖啖肉 好新鲜蒜茸既份量落得岩岩好 好够味 呢碟正! 西兰花珊瑚带子（$58）珊瑚蚌既份量都唔小 仲有带子 不过带子就唔系好大粒 亦唔系好鲜甜。 再黎叫左金牌烧鸡（例牌$48）亦都唔算好特别 不过不失 唔会太咸或太淡 金沙蒜香骨（$78）d骨大大旧 面头有d蒜粒 味道同样系好淡 同埋都几多肥猪肉 会有小小流既感觉始终觉得点都要食小小饭 叫多左个扬州炒饭（$98）呢个唔错 炒得好香 亦都几多料 唔错唔错 最后系咕噜虾球（$98）酸酸甜甜 d虾大大只 但d粉再小d就perfect啦 6个人加一加茶芥大约千几蚊 仲送糖水 个个都捧住个肚走 仲要打包 都算抵食。