文仔記麵食店

营业中

休息中

今日入西贡，行到横街窄巷，见到写住老字号文记，贴晒图话牛什牛腩，望落D图靓仔份量足，谂住试下。叫左个净牛什外卖，佢话要91蚊，我觉得可能牛什份量大和水准高就即时比钱。结果比钱时两个阿姐就系度因为落唔落单而互相吵闹几句，搞到脸浓浓对住我，都算。找完钱，等佢比𩠌我，结果间野无乜食客都等左好一阵。到终于见到整我既野，离远见到厨房阿姐只系一个汤勺捞起D牛什（真系得一勺），就倒入个胶盒度，楼面阿姐就即时合盖攞比我。我一睇个胶盒份量呆一呆。好野，出面牛什话50蚊60蚊碗都叫贵，但都肯定无佢呢度卖得咁Q贵。成盒野，牛什+汤汁，夹埋都唔知有无1/3个胶盒。我真系唔知比咩反应好。我攞完就返去，返到去都比人问：（佢卖几钱斤？咁少？）佢无写几钱斤㖞！净写净𩠌90蚊啊！唔可以话佢呃人，但真是份量超出晒所有预期。半盒都无，超痴线，真系好意思出手卖90蚊？至于味道，超咸，可能系要煮比钟意食咸口既人士，而且好鞋，又唔淋，想食既睇路。我就绝对绝对唔会再有下次。也绝对唔会推介。钟意既就去啦！无人阻止你。