影片
更多
2015-03-27
983 浏览
适逢天气回暖，天朗气清，最好就到市郊活动下。今次黎到大埔，一心谂住去铁路局博物馆行下路轨影下相。成日睇饮食杂志介绍，见到大埔开咗好多间休闲café，不过一路都无机会试。(因为贪食兔系港岛区居民 )于是上网就揾到呢间叫A Little Bit既café，仲有几丰富既All Day Breakfast，咁我地就展开咗呢个寻找大埔All Day Breakfast既旅程嘞﹗讲真都唔系易揾，亦唔算近火车站，加上我地两个唔系新界人，由太和火车站行下行下，都应该行咗3个几字先度，大约点半去到，好在唔驶等位唧﹗餐厅环境简约，以白色格调为主，都摆到10张2人枱。一打开menu见到All Day Breakfast，分别有A Little Bit Relax ($79)、A Little Graceful ($94)同A Little Bit Tasteful ($112)三款，男友问我有咩分别，话都系有个几样野食，其实细心一睇，餐厅已经highlight咗三款All Day Breakfast既不同地方。最后我地拣咗最丰富既A Little Bit Tasteful再加一份自家制鸡翼，同埋一杯朱古力
适逢天气回暖，天朗气清，最好就到市郊活动下。今次黎到大埔，一心谂住去铁路局博物馆行下路轨影下相。成日睇饮食杂志介绍，见到大埔开咗好多间休闲café，不过一路都无机会试。(因为贪食兔系港岛区居民 )于是上网就揾到呢间叫A Little Bit既café，仲有几丰富既All Day Breakfast，咁我地就展开咗呢个寻找大埔All Day Breakfast既旅程嘞﹗
讲真都唔系易揾，亦唔算近火车站，加上我地两个唔系新界人，由太和火车站行下行下，都应该行咗3个几字先度，大约点半去到，好在唔驶等位唧﹗餐厅环境简约，以白色格调为主，都摆到10张2人枱。
一打开menu见到All Day Breakfast，分别有A Little Bit Relax ($79)、A Little Graceful ($94)同A Little Bit Tasteful ($112)三款，男友问我有咩分别，话都系有个几样野食，其实细心一睇，餐厅已经highlight咗三款All Day Breakfast既不同地方。最后我地拣咗最丰富既A Little Bit Tasteful再加一份自家制鸡翼，同埋一杯朱古力奶昔。
A Little Bit Tasteful材料丰富，有齐一般All Day Breakfast既配料，仲有得拣English muffin或waffle，法兰克福肠、烟肉、汉堡扒同muffin各有两件，仲有一份新鲜杂果，超级足料，一个人实食唔哂呀﹗烟三文鱼就稍为细份，另外如果可以再多D茄汁豆就perfect嘞﹗
杯朱古力奶昔外型就够特别，不过质感同味道都似朱古力smoothies多过milkshake，唔知有无落错单呢….
自家制鸡翼有4只同6只拣，味道甜甜，加上淡淡既香草味，都值得一试。
如果住大埔附近既话，都会成日黎食既…..可惜我唔系喇…. 张贴
