阿茶茶。館 (已結業)

呢间Achacha Cafe & Bistro晌车路尽头同泊车位嘅旁边，车辆出入都几繁忙。不过入到去之后，又系另一番景象。落玻璃窗透入唔少光线，墙上仲画咗唔同嘅图画。有闻佢哋以法式薄煎饼驰名，而且仲有咸甜之分。我就晌数款tea set之中试咗杂莓甜奶法式煎薄饼，薄饼面积好大，外型就似一把中式纸扇咁。边位煎得非常薄脆，被馅料沾湿嘅部份就比较烟韧。除咗铺面之外，中间亦夹咗唔少士多啤梨果肉，另外仲有鲜忌廉同质感好似炼奶嘅甜奶一齐食，味道酸香醒胃冇负担。榛子鲜奶咖啡有淡淡嘅榛子甜香，咖啡味就甘香平衡。