Amalfitana (The Pulse)

营业中

休息中

Amalfitana:浅水湾的放空好选择去到浅水湾Amalfitana食pizza，就如去左个小旅行。可能你会话，其实中环都有分店，点解要去到浅水湾咁远呢，因为呢度环境非常清幽，而且夜晚食完饭，仲可以有得睇星星，的确系几好嘅浪漫晚饭选择。最重要呢度嘅Pizza嘅质素真系唔错，同样有个非常大的焗炉，几分钟就已经可以起到一个Pizza。四个人点了两个pizza，我个人劲爱SALSICCIA E PORCINI，最好系佢个薄饼边都好脆好好食，而且全部pizza都非常之足料，我见呢度嘅外国客，一人食一个，好开胃。前菜全部都好新鲜，Tricolore同Burrata，未试过食完想再加，特别系Burrata。不过唯一可惜嘅，系呢度冇得食意粉，总觉得有得食意粉，个感觉会好少少，完满多一点。从来甜品部份都系意大利人嘅精髓，呢个甜pizza，应该系出边好少见，你睇个样好似好求其，但系食落几个朋友都好钟意。呢个环境咁chill，当然要饮吓酒，送下薯条，呢到有多种唔同cocktail，你要大部份嘅选择都会有，入到嚟放空饮杯酒，食个Pizza行吓沙滩，偶然咁样过一晚 ，感觉都唔错。