泰沾麵

营业中

休息中

🦆泰Duck 生菜包有别传统生菜包，用鸭肉代替，thai style keep住香叶香料幽香，但更合适香港人口味，唔会太浓味辛辣，包住清甜生菜，爽脆中更显鸭肉香味及质感。🐔泰式香脆辣鸡翼好香牛油味，正宗外脆内juicy，鸡肉嫩滑多汁，仲可以配搭泰式甜酸汁，更添惹味！🥢飞天炒通菜少少辣够惹味，炒完嘅通菜仲系翠绿爽脆，有豆瓣酱、香蒜、干葱等等加埋一齐，够镬气又有咸香。🍜一滴不留招牌豚肉船面好钟意船面嘅面质，烟韧弹牙，而且挂汤后顺滑入口！汤底深色浓郁，有脆卜卜猪皮，九层塔，香叶，芽菜多种配料，豚肉够份量，吸收汤汁好入味，真系会令人「一滴不留」饮哂啲汤！🔥烧带子有惊喜，鲜甜海鲜味满满！烧到外香口，内柔软，配少少炸蒜头，更香口，仲有特调酱汁，加添泰式风味！🐽即烧猪颈肉有少少焦香脆边，肉质爽脆，唔干争争，自家酱汁酸甜微微辣，就算感觉肥腻嘅猪颈肉都令人越食越停唔到口。🍹仲有多款特饮！粉红梳打～酸甜解渴，泰式奶茶～更合港人口味，唔太甜又有茶香。