影片
更多
2019-12-20
95 浏览
呢日放工约咗个旧同事食饭，佢返开嚟office拎嘢，所以直头喺附近觅食啦。之前行去荔枝角食饭，经过见到个Love You 3000有对天使翼嘅灯箱劲eye catching，学生妹同阿伯都有去影相😂，我就有留意到餐厅其实系食鸡煲的。呢排天气冻冻哋，食鸡煲打边炉滚下滚下啱哂。我哋6点半去到，就唔系好多人，但都已经有人食紧，不过坐下坐下到7点半开始就坐满哂👍。环境阔落，光猛，而且感觉非常干净，火锅店嚟讲好难得！既然餐厅名有用🍲鸡煲2字，即系应该系招牌挂，就叫下啦，加上自己又整唔到，火锅就相反。首先我哋叫咗丰锅招牌麻辣鸡煲(半只)($188)，问过店员小辣辣唔辣，佢话辣🌶，OK，所以我哋异口同声叫咗BB辣哈哈。好快店员就上咗个锅啦，已经闻到麻辣香，但可能唔系太辣，所以浸味唔算好劲。店员会喺我哋侧边捞吓个鸡锅，再等几分钟后就可以起筷，我用筷子头点下先，有啲吓亲😳，咁辣嘅，心谂奶嘢。到食第一嚿变得好紧张，但竟然成嚿食又唔辣㖞！食到微辣同小小麻，完全系我食到嘅范围内✌🏻。鸡煲份量2个人啱啱好，鸡件都唔少，我最欣赏系啲鸡肉够滑🐔，而且有味，唔系冰鲜𠮶种。加上最重要个辣度真系BB都啱食😛。不过食到尾就
呢日放工约咗个旧同事食饭，佢返开嚟office拎嘢，所以直头喺附近觅食啦。之前行去荔枝角食饭，经过见到个Love You 3000有对天使翼嘅灯箱劲eye catching，学生妹同阿伯都有去影相😂，我就有留意到餐厅其实系食鸡煲的。呢排天气冻冻哋，食鸡煲打边炉滚下滚下啱哂。
我哋6点半去到，就唔系好多人，但都已经有人食紧，不过坐下坐下到7点半开始就坐满哂👍。环境阔落，光猛，而且感觉非常干净，火锅店嚟讲好难得！既然餐厅名有用🍲鸡煲2字，即系应该系招牌挂，就叫下啦，加上自己又整唔到，火锅就相反。
丰锅招牌麻辣鸡煲
$188
4 浏览
0 赞好
0 留言
首先我哋叫咗丰锅招牌麻辣鸡煲(半只)($188)，问过店员小辣辣唔辣，佢话辣🌶，OK，所以我哋异口同声叫咗BB辣哈哈。好快店员就上咗个锅啦，已经闻到麻辣香，但可能唔系太辣，所以浸味唔算好劲。店员会喺我哋侧边捞吓个鸡锅，再等几分钟后就可以起筷，我用筷子头点下先，有啲吓亲😳，咁辣嘅，心谂奶嘢。到食第一嚿变得好紧张，但竟然成嚿食又唔辣㖞！食到微辣同小小麻，完全系我食到嘅范围内✌🏻。
鸡煲份量2个人啱啱好，鸡件都唔少，我最欣赏系啲鸡肉够滑🐔，而且有味，唔系冰鲜𠮶种。加上最重要个辣度真系BB都啱食😛。不过食到尾就有啲油，但都正常嘅。
即炸爆芝响铃
$42
2 浏览
0 赞好
0 留言
食到咁上下，店员就帮我哋加清汤，变身做火锅🍲，我哋去咗加咗几款配料。第一样系即炸爆芝响铃($42/3件)，原来芝士同响铃系咁夹。虽然应该系即炸，但点汤索埋汁加热溶埋啲芝士，好正正😍。
朋友话晏昼食咗牛扒，所以唔要牛肉，要咗猪颈肉片($83)，肉片纹理都几靓，不过🐷猪颈肉始终都系要烧先正，因为有肥膏会脆。
牛柏叶($60)🐮系打边炉系必点之一，朋友suggest话下次再食鸡煲应该要喺未变身前落会更美味。
自家制韭菜饺(8粒)($65)，饺子🥟皮薄，而且够味，食得出肉馅用咗美极腌😂，加上韭菜个量唔会太over哈哈。
蓝蝶雪梨
$42
2 浏览
0 赞好
0 留言
饮品方面，我哋一人叫咗一杯特饮，🌹玫瑰柚子($42)同🦋🍐蓝蝶雪梨($42)，2杯都大大杯，而且只色好靓。饮落好清新，唔会太甜想起痰，味道亦都真系饮得出个饮品名嘅材料，唔算太假太人工糖浆咁，绝对系喜出望外之作。
总括嚟讲，呢件鸡煲店唔错，作为主角嘅鸡煲无令人失望，其他火锅配料亦正正常常，我会特别推介爆芝响铃🧀。今次无食海鲜，但见有几个海鲜鱼缸，啲龙虾劲生猛，应该唔错。店员服务几好，有礼貌。餐厅设有酱油区，人头好似$15位，但其实鸡煲有味，都唔使点豉油。餐厅定价ok啦，中等价格，$2xx一位食完捧住个肚走；btw原来网上订座有优惠架~~。最后，餐厅环境通风应该几好，或者因为无乜人嗌大辣鸡煲啦，我哋出到去个身完全无味😚。
张贴
