影片
更多
2022-10-15
18 浏览
今次我哋受邀去咗位于启德嘅Burger's Friend Forever参加佢哋嘅试食活动🙌🏻 系呢到我哋先多谢餐厅嘅邀请😆 不过大家放心，就算系试食活动，我哋都系本住好就赞、衰就弹嘅宗旨去为大家报告嘅🔥今次嘅餐厅主打汉堡，同时亦有生酮餐单供应，追求健康嘅人士都可以一尝汉堡嘅滋味👍🏻我哋就试咗佢哋嘅两款best seller：至尊汉堡($112)：汉堡包好巨型，材料有两大块汉堡扒、芝士、太阳蛋、生菜及紫洋葱，汉堡扒系用安格斯牛肉做，肥瘦均匀，一路食啲汁多到滴晒出嚟，好juicy🥹呢个真系惊喜位，而且成个包都唔会有一啲奇怪嘅酱汁，去影响原材料本身嘅质素，大家可以试谂吓，原材料唔够靓先需要用酱汁搭救🤷🏿♂️鹅肝安格斯汉堡($148)：呢个汉堡就冇至尊汉堡咁厚身，材料有鹅肝、一块安格斯汉堡扒及番薯苗，食落口感好Rich，鹅肝够creamy，而且鹅肝酱有少少红莓酱去中和油腻感，个厨都几细心，块安格斯牛扒嘅质素就同上面一样，都系咁好食及肥瘦均匀🙌🏻我哋两个餐都各自加咗$33嘅配菜，包括韩式鸡粒及炸洋葱圈🤤炸洋葱圈冇乜特别，就唔多讲啦！反而个韩式鸡粒，真系要介绍下，佢真系炸到外脆内嫩，好好食👍🏻唔
我哋就试咗佢哋嘅两款best seller：
至尊汉堡($112)：汉堡包好巨型，材料有两大块汉堡扒、芝士、太阳蛋、生菜及紫洋葱，汉堡扒系用安格斯牛肉做，肥瘦均匀，一路食啲汁多到滴晒出嚟，好juicy🥹呢个真系惊喜位，而且成个包都唔会有一啲奇怪嘅酱汁，去影响原材料本身嘅质素，大家可以试谂吓，原材料唔够靓先需要用酱汁搭救🤷🏿♂️
鹅肝安格斯汉堡($148)：呢个汉堡就冇至尊汉堡咁厚身，材料有鹅肝、一块安格斯汉堡扒及番薯苗，食落口感好Rich，鹅肝够creamy，而且鹅肝酱有少少红莓酱去中和油腻感，个厨都几细心，块安格斯牛扒嘅质素就同上面一样，都系咁好食及肥瘦均匀🙌🏻
我哋两个餐都各自加咗$33嘅配菜，包括韩式鸡粒及炸洋葱圈🤤炸洋葱圈冇乜特别，就唔多讲啦！反而个韩式鸡粒，真系要介绍下，佢真系炸到外脆内嫩，好好食👍🏻唔怕辣嘅朋友可以落几滴 tabasco添，增添风味！
嗱，虽然系试食报告，老实讲整体感觉系唔错嘅，唯独是呢个价钱居然唔包薯条或汽水，呢个位相信大家都有少少却步🤫而且，个汉堡包我哋觉得有少少淋身，如果可以用牛油煎到更香脆就仲正喇！
张贴
