Mensa (已結業)

今次后补生日，前一晚打电话book位，但打极都冇人听电话，好在有位。位置比较远，由铜锣湾站行要10分钟，但值得的。气氛啱我，不太暗，刚刚好。我唔钟意啲超暗嘅餐厅，连自己食乜都睇唔到。嗌完嘢食大约8分钟后，首先有个bread basket，都系点醋同橄榄油，面包好热，都唔错，但我觉得慢左啲。两个头盘味道都ok，但系又系要等好耐。唔好意思，实在太肚饿，整开左条鱼先记得未影相。原本呢个rainbow trout系steam嘅，但系厨司话今日啲鱼细条，所以用grill。我觉得grill得dry过头，冇晒啲水分，香草嘅味都冇晒，但系都可以接受，因为个调味汁配得好好。服务员话加$100可以转鲽鱼(Dover sole)，但系太贵lu...呢个rack of lamb 唔错，个汁都配得好好。但系两个main course又系要等好耐。最后的甜品是black widow同chocolate parfait。Black widow味道ok，chocolate parfait有啲好新奇嘅配搭，就系有啲爆炸糖系面，唔错。整体嚟讲，价钱合适，如果唔洗等咁耐，就满分㗎喇。