Briketenia

营业中

休息中

餐厅：Briketenia地点：北角汇菜式：日式法菜餐牌：午市套餐包前菜同主菜，同咖啡或者茶。可以加钱要甜品或者升级饮品。主菜8选1，价钱由$138至$348，另加一。前菜6选1，有d要加钱。餐包系一客四件法包，暖暖地上枱，外皮烤得香脆，最正系个忌廉酱，超滑溜而酸酸地，其实佢先系主角。巴马火腿蜜瓜沙律 跟餐巴马火腿蜜瓜沙律大大兜，加左橄榄油既沙律杂菜同车厘茄底加上两大片巴马火腿同两三片蜜瓜，面头一片薄脆多士。巴马火腿咸香之余唔会太硬，蜜瓜香甜爽脆。鹅肝焦糖炖蛋配田园沙律 跟餐加$48 另加一呢个鹅肝焦糖炖蛋配田园沙律系餐厅招牌菜式，一定要试试。鹅肝真系用炖蛋兜上，面头一层焦糖面，同埋加少少红色酸莓酱。鹅肝好滑溜，配焦糖面真系外脆内滑，而加埋酸莓酱可以稍稍中和油腻感，味道特别。配有四小块香脆薄身吐司。田园沙律系一碗加左适量沙律酱既沙律杂菜配车厘茄。慢煮西班牙猪鞍配洋葱及新薯 $248 另加一慢煮西班牙猪鞍一大件已经切开四条，肉质超嫩口，猪味浓又多汁，连筋位食更好味。下底垫有法式长豆几条，冬菇一只，红椒一片，翠玉瓜一片，少少洋葱丝同一件西兰花，蔬菜丰富。伴有超滑溜薯蓉。呢道主菜份量都唔少。