MR冰室

营业中

休息中

今日接姪仔放学，话肚饿要即刻医肚，带咗我嚟佢学校附近嘅一间小店，叫咗两个餐，有啲意外可以用连锁店价钱食到比较优质嘅Burger。Mr虾汉堡，夹有酸瓜、蕃茄、菜、芝士、洋葱，跟粗薯条，揸得外脆内软，非常香口，仲有两种酱汁，小店难得嘅认真。讲返个汉堡包，个炸虾饼系真系有虾味，望落个样已经吸引过平时食开间连锁店，未到食落果然胜一筹，姪仔话呢头冇个间连锁店，但系呢间小店仲好食，所以不可惜。除咗汉堡包薯条，中式又有，炒粉面又有，扒餐都有，今日叫过牛扒跟意粉，大大份味道又OK，仲有餐饮。呀！系㖞，鸡翼系好食嘅！价钱唔贵，可以再帮衬。