BnR (已結業)

喺荃灣廣場睇完戲，過馬路去對面「食街」(大壩街)搵食。見到一間叫BnR嘅餐廳。裝修睇落似食西餐/cafe之類。行前睇睇餐牌先知原來係食米線？！真係睇唔出！就試試佢啦！餐廳環境明亮潔淨，與一般米線舖截然不同。用cafe嘅裝修，坐得舒適～👍🏻我同朋友分別嗌左一個麵同一個飯share黎食。❤️藥膳花膠雞淮山麵湯底有杞子芫荽蔥，好香藥膳味，好味到連湯都飲埋！淮山麵好幼身，感覺輕盈，食完唔會覺得太飽滯胃。還有雲耳、粟米芯、油炸鬼等配菜。花膠大大塊唔會鯹👍🏻。❤️波波雞飯未見過飯變成一個個波，好得意😆。飯有油香～麵同飯兩者的雞皆雞肉嫩滑，雞味濃👍🏻😋。見有餃子又嗌個share～❤️魚湯淨手工韮菜餃(8隻)隻隻餃子都大大隻，重要餡料超多，皮又夠薄，真係皮薄餡靚😍👍🏻👏🏻👏🏻👏🏻。食兩三嚿已經好飽😂🙈。韮菜好多，入口好香😍～飲埋魚湯，有魚嘅鮮甜味，冇鯹味👍🏻。