CAMPSITE (K11 ATELIER) (已結業)

今次去咗屋企附近嘅餐厅食晚餐，餐厅以campsite为主题，装潢以森林系为主，有树叶、木头等装饰，中间还有一张大木枱，灯饰系一个球体，十足十一个发光嘅月球。晚餐有前菜、主食同餐饮，前菜有两款，我地每一拣咗一款。沙律有温泉蛋，下面铺满红菜头粒粒，再用沙律菜围边，新鲜又有益。蟹肉焗大啡菇，整个大啡菇铺满蟹肉，上面铺满芝士同面包糠，焗到金黄色，非常香口。主食拣咗香煎鳕鱼同安格斯牛扒，鳕鱼煎到鱼皮脆口，鱼肉口感嫩滑。安格斯牛扒需要另加$80，牛扒几大块，煎至四成熟，入面仲系粉嫩颜色，入口肉质软腍，肉味香浓。餐饮可选择茶或咖啡，我地拣咗一杯热咖啡，咖啡用露营杯装住，贴合campsite主题。另一杯加$30升级Matcha Latte，绿茶味道非常浓郁。最后再加咗$35 巴斯克芝士蛋糕，估唔到系既焗，上枱热辣辣，入口焦香滑顺，内馅半熟状态，香浓芝士味，食到停唔到口。