芝樂坊餐廳

营业中

休息中

前排适逢Cheesecake Factory 搞左个Cheese Cake Day，所有芝士蛋糕半价，于是今日就去买左几款开心Share。接近30款不同口味的芝士蛋糕，原价$80-82，虽然真系几大件，但都觉得几贵下，所以真系要讲句多谢老细。.唔知系返公司路途遥远还是公司雪柜唔够冻，有少少蹋左，唔知会唔会影响蛋糕唔感及味道。芒果青柠芝士蛋糕我无试到，但同事评价系「难食」同非常甜。柠檬红桑子忌廉芝士蛋糕同事觉得好味，但我觉得红桑子的味道有点似药水。咸焦糖芝士蛋糕食得出有咸味，但系食多几啖都觉得好甜。菠萝翻转芝士蛋糕呢个我拣选的口味最好食，甜之中比较清新，仲有菠萝馅，口感最丰富。.虽然今次同事对芝士蛋糕评价都系负皮，而我亦知呢间Cheesecake Factory系美心集团旗下既，不过呢间系美国过江龙，我之前在外国食过晚餐系唔差既，餐厅食物份量几大份，所以当年都无叫过甜品，唔知外国同香港食物质素有无差别。