熾工房 (已結業)

想食美式炸鸡好多时只有快餐呢个选项，快快手食完就走，偶然发现左呢度，格局似酒吧/西餐小店，礼拜五晚黎感觉好chill。脆鸡汉堡餐卖相好澎湃，除咗炸鱼之外，真系冇见过好似手掌咁大嘅炸鸡扒用黎做burger。 一句讲晒食落好爽，炸鸡好厚身，食落啖啖肉。 实测左无论系肉定酱同炸鸡餐都差唔多，加咗包同菜口感更加丰富，下次嚟都会叫呢个。大爱蜜糖芥末酱，唔系平时食到嘅味道，非常特别。 芥末香味好出，唔会太甜，点完将味道升华左几个层次。秘制鸡肉丸同IKEA肉丸有得挥，蕃茄酱酸酸甜甜，肉丸幼滑有肉汁，同埋难得小食唔系得炸嘢，感觉上健康啲。偷食左几啖朋友个蘑菇饭，煮得好香，蘑菇唔洗悭住食，好满足。