杏甜品 (豉油街) (已結業)

已经系第三次帮衬「Almond Dessert 杏甜品」啦～本身小编唔系好钟意食杏仁味嘅甜品，不过「杏甜品」嘅杏仁甜品就冇平时个种好难闻嘅味道，所以我都将我嘅第一次奉献左比「杏甜品」，😂但其实其他糖水都好有质素！👍🏻除了每日新鲜即磨杏仁系列甜品之外，店内有各式各样嘅传统糖水，如糖不甩、合桃露等，有啲仲加入西式糖水元素，如榴梿汤圆、红豆咖啡雪糕、鲜果爽冰、芒果奶昔双皮奶等，全部标榜以少糖配方制作，感觉更健康！⭐️推荐❗椰皇桃胶炖双皮奶（$67）另外仲加左$10要左两粒花生芝麻汤圆！汤圆皮薄流心馅，值得一试！😏椰皇里面放满桃胶，底下仲有超滑溜嘅双皮奶，食完感觉相当养颜滋润！吕宋芒椰木莲冻（$62）用新鲜嘅吕宋芒打出嚟嘅芒果汁底好浓郁！入面有好多配料，有烟韧嘅4 色小芋圆、爽甜椰果、芒果雪糕，当然唔少得主角木莲冻，外形晶莹剔透，看起来有点像凉粉和仙草，但口感软滑，冰凉清爽。