為食火鍋公司

营业中

休息中

今次同事带我地黎呢间主打无限时任食既火锅。个menu有分小食，熟食之后火锅，系一层层咁落去到最后火锅既，但食完就只可以落下一round，冇得再叫上一roumd。小食就有炸鸡，蟹籽沙律，蕃薯条，炸大肠，鲍汁鸡脚，可以任叫直到下round。下一round就系刺身，再之后系鸡煲同酸菜鱼，刺身同酸菜鱼都系一次性既。刺身就有大虾，海北寄贝，三文鱼等，质素都还好。鸡煲就好够味。到火锅就会上一次性既海鲜，海鲜分别有鱼片，虾，沙白，蚝，帆立贝，size好大只。另外都会上埋牛肉拼盘，一口牛，肉眼芯，牛颈脊，黄喉等，都系一次性。咁之后就可以任叫其他食材例如美国肩胛肉眼芯，羊卷肉，黑栢叶，紫菜响铃，云吞，韮菜饺，蟹籽沙律丸，流心海苔丸，乌冬，出前一丁等。 蔬菜如莴笋，粟米，菇类，蜂巢豆腐就要出去攞。火锅食物种类以一间火锅店黎讲相对少，系胜在无限时同有唔同round既食物可以品尝。服务方面啲职员会系咁问你洗唔洗再叫，唔洗就落下round，会好似迫紧你快啲食下一round咁。不过以呢个价钱食咁多round算系咁。系美中不足就系冇甜品提供，想完满食甜品就要去其他地方食。