味火鍋 (華僑商業中心)

上次去过尖沙咀分店味火锅，觉得好抵食~ 知道旺角开埋分店当然唔好错过啦~几钟意旺角店嘅装饰，每个位都一卡卡，仲有几间小房仔，如果一大班人嚟大边炉更有私隐度，又唔怕嘈到人☺头盘四选一今次拣咗酸菜鱼，二人份量， 虽然主打边炉但酸菜鱼制作一啲都唔马虎，鱼量真系好多， 肉质嫩滑，配料都几多，仲有幼幼薯粉。火锅汤底拣咗鸳鸯锅， 特浓喇沙海鲜锅同四川麻辣鸭血锅， 喇沙汤底 味道酸酸辣辣带椰奶~ 麻辣汤底香而麻餐厅直接上咗海鲜拼盘同牛肉拼盘，份量都几多， 海鲜拼盘有齐鲍鱼、生蚝、 鱿鱼、海虾等，值得一赞海虾劲大只肥美~牛肉拼盘 有封门柳、牛肩胛、牛小排 、牛板腱， 牛够新鲜，味道浓，唔够仲可以无限encore!仲有超过20 款火锅配料，真系次次嚟都食到好饱！最后仲食埋雪糕先走！